Borama(Bnn) Gudoomiyaha Gobolka Awdal Maxamuud Sh. C/laahi Cige ayaa si cadho leh uga jawaabay eedeemo ay usoo jeediyeen qaar ka tirsan waxgaradka iyo cuqaasha Gobolka Awdal.
 
Gudoomiyaha Gobolka oo Shir Jaraaid ku qabtay Xafiiskiisa ayaa sheegay in Maamulka Gobolka ee uu Madaxda u yahay ay u siman yihiin beelaha Gobolka Wada Dega.
 
Gudoomiyuhu wuxu sheegay inay jiraan dad dhinaca Xun wax ka eegaya marka wanaag la wado isagoo arinkaa ka hadlayana wuxu yidhi "markasta oo wanaag iyo wada shaqaynta dadka ay iska kaashadaan koomishanka iyo maamulka dowlada ee gobolka ayaa waxa soo baxaya dad dhinaca xun uun wax u wada kuwaas oo si xun u turjuma ujeedooyin kasta oo lagu doonayo in la iskaga ilaaliyo khilaafaadka carqaladayn kara nidaamka doorashooyinka"
 
isagoo hadalkiisa sii watana wuxu yidhi " Maamulka Gobolku wuu u siman yahay beelaha Gobolka cidii ama beeshi wax tabanaysana arrinkoodu wuxu khuseeya odayada ama salaadinta beeshaasi iyo koomishanka doorashooyinka, laakin anangu koomishanaw maxad sida u yeeshay afkayaga maaha.
 
sidaa darteed waxaan koomishanka iyo cid kasta oo wakraasi beenta ah dareen ka muujisay u sheegaya inuusan warkaasi ahayn mid aniga iga soo baxay, isla markana aanan wax eedayn ah u soo jeedin koomishanka Qaranka. ci`diise koomishanka si kale u doonaysana iyadaa og ee yaanay maamulka gobolka kula soo galgalanin"
 
Labadii maalmood ee ugu dambeeyey ayaa waxa kasoo baxayay Qaar ka mid ah Beelahaa gobolka Awdal diidmo ay ku diidan yihin Wakiilada Degmooyinka ee Koomishanka doorashooyinku u magacaabay xilil, iyadoo qaar ka mid ah Cuqaasha Gobolkuna ay eedayn dusha uga tuureen Gudoomiyaha Gobolka Awdal Maxamed Sh. C/laahi Cige,
 
Borama News Network
Borama Office