Asmara(Bnn)Sheikh shariif
sheikh Axmed oo ah guddoomiyaha sibahaysiga dib u
xoreynta soomaaliya oo haatan ku sugan dalka masar
ayaa beeniyey wararka sheegaya in isbahaysigooda ay
ka helaan dalka masar hub .
Sheikh Shariif oo lahadlayey talevisoinka BBCda
qeybta afka carabiga ayaa sheegay in dalka masar ay
ka haystaan taageero siyaasadeed iyo mid maaliyad ,
balse aysan jirin wax hub ah ay ka helaan dalka
masar.
Shariifka ayaa intaas ku daray in dalka masar uu
yahay dal garab taagan shacabka soomalida , balse
uusan ka shaqeyn isku hubeynta bulshada tabaalaysan
eek u dhaqan soomaaliya.
Mar wax laga weydiiyey sida uu arko duqeynta
mareykanka uu ka geystay magaalada Dhuusa mareeb
wuxuu sheegay in ay wax yeelaynayso sumcada
mareykanka , balse aysan wax kabadelayn mowqifka
soomaalida eek u aadan ladagaalanka gumaystaha iyo
daba dhilifkiisa , waa suu hadalka u dhigayee.
Shariifka ayaa wax laga weydiiyey xiriirka u
dhexeeya mareykanka iyo isbahaysiga uu madaxda u
yahay, wuxuu uga jawaabay anaga mareykanka dagaal
kulama jirno , balse wxaan dagaal kula jirnaa
gumaysi soo jireen ah waa itoobiyee .
Shariifka ayaa ku ugu dambeyn baaq uu u soo jeediyey
dalka masar in uu laba laabo dadaalka uu ugu jiro
sidii la isugu keeni lahaa shacabka soomaalida .
