Addis
Ababa (Bnn)Ra’isalwasaaraha Itoobiya iyo
wakiilka gaarka ah ee xoghayaha guud ee Qaramada
Midoobay ee arimaha Soomaaliya Ahmadu Ould Abadallah
ayaa kulan ay yeesheen waxay kaga wadahadleen
arimaha Soomaaliya, gaar ahaan qorshaha dib u
heshisiinta laga dhexwado dawlada KMG ah iyo
Isbahaysiga la magac baxay dib u xoreynta Soomaaliya
ee saldhigiisu yahay magaalada Casmara.
Afhayeen u hadley wasaarada arimaha dibada Itoobiya
oo ka warbixinayey kulankii ay yeesheen Meles Zinawi
& Ahamadu Ould Abdallah ayaa sheegay in
Ra’isawasaaraha Itoobiya uu u sheegay Mr Abdallah in
Itoobiya sii wadi doonto sida hadalka loo dhigaye
dadaalkeeda ku aadan dib u soo celinta amaanka iyo
deganaanshihii wadanka Soomaaliya.
Ra’islawasaaraha Itoobiya kulanka uu la qaatey
wakiilka Qaramada Midoobay ee Soomaaliya wuxuu ku
muujiyey in uu aaminsan yahay hanaanka dib u
heshiisiinta Qaran ay ka dhalin doonto wadanka
Soomaaliya nabad kama dambeys ah.
Ahmadu Ould Abdallah ayaa ku wargaliyey Meles
Zinaawi in kulan nabadeed qaran oo ay isugu
imaanayaan madaxda mucaaradka, hogaamiyeyaasha
qabaa’ilka iyo dawlada KMG ah lagu qaban doono dalka
Jabuuti.
Meles Zinaawi ayaa u sheegay Mr Ahamdu Ould Abdallah
in dawladiisu ay karankeeda isugu geyn doonto
taageerada ay u hayso gaaritaanka hanaan dib u
heshiisiin Qaran.
