Boorama(Bnn)Aqoon
iswaydaarsi Ujeedadiisu tahay sidii loo aas aasi
lahaa urur ama shabakad isku xidha hayadaha aan
dawliga ahayn ee ka hawlgala waxbarashada dadban ee
gobolada Awdal iyo Salal ayaa shalay ka furmay
xarunta waxbarashada G/awdal.
Kulankan ayaa waxaa ka qaybgalay 45 ururada Ngo yada
ah iyo dugsiyada aan dawliga ahayn[Non Formal
Education Actors] kuwaas 3o ka mid ahi ka yimaadeen
magaalada gudeheeda halka 15 ka kale ay ka yihiin
deegaanada ka baxsan magaalada Boorama.
Aqoon iswaydaarsigan waxaa soo diyaarisay hayada
Unisef waxaana fulinaya ururka dhalinyarada ee Ayoda.
Munaasabadii furitaanka oo uu xidhiidhinayay
gudoomiye ku xigeenka waxbarashada Gobolka C./raxmaan
Saleebaan Xasan ayaa makarafoonka ku wareejiyay
gudoonka waxbarashada G/awdal Prof Daahir Maxamuud
Xaddi oo isagu si rasmi ah u furay isaga oo ka
qaybgalayaasha kula dardaarmay inay ka faaiidaystaan
mudada sadexda maalmood ah ee kulankani u socon
doono isla markaana ay soo saaraan urur midaynaya oo
hopgaankiisa ay isku raacsan yihiin si uu u noqdo
barkulan loogu soo hagaago waxbarashada dadban oo
lala xisaabtami karo meeshana ka saara kala
qaybsanaantii iyo tafaraaruqii hore uga muuqday.Waxa
kale oo iyadauna halkaas ka hadashay Safiya Jibriil
oo ka socotay hayada Unicef.
Cabdiraxmaan Maxamed Habane
borama boramanews.com
