Tuesday, 12 June 2018 13:53

Dooni Ay Saarnaayeen Ku Dhawaad 20 Qof Oo Ku Rogmatay Wabiga Shabeele Iyo Khasaaraha Ka Dhashay Doonidaasi Ku Rogmatay Wabiga Shabeele

12/06/2018(BNN) Warar dheeraad ah ayaa ka soo baxaya Doon ay saarnaayeen ku dhawaad 20 qof oo xalay fiidkii rogmatay biyaha Wabiga Shabeelle ee mara gobolka Shabeellaha Hoose.

Doontan ayaa ku sii jeeday degmooyinika Janaale, Qoryooley, iyo deegaano kale oo uu ka mid yahay Daanyeerey, waxaana ay shalay gelinkii dambe ka baxday degmada Afgooye.

Qof ka mid ah dadka degaanka oo la hadlay Idaacadda Risaala ayaa wuxuu sheegay Doontan in ay raashiin u siday nin ganacsade ah, waxaana ay ku degtay deegaanka Raqeyle oo ku dhaw degaanka Bariire oo ka tirsan isla gobolka Shabeellaha Hoose.

Dadka deegaanka ayaa sababta dadkan ay Doonta u raaceen ayaa waxa ay ku sheegeen in ay tahay wadooyinka gobolka oo qaarkood ay jareen ciidanka dowladda iyo Shabaab, bacdamaa halkaasi dhawr mar ay ka dhaceen weeraro.

Sidoo kale qofka inala hadlay ayaa waxa uu sheegay Doontan in ay saarnaayeen 20 qof, halkaasina ay ku geeryoodeen 7 qof oo kala ahaa Hooyo, Afar caruur ah oo ay dhashay iyo laba qof oo kale, intii kalena ay soo badbaadeen.

“Doonta waxay ka baxday degmada Afgooye, waxayna ku sii jeeday degmooyin ka tirsaqn gobolka Shabeellaha Hoose, Doonta waxay ku degtay degaanka Daanyeerey oo ku dhaw Bariire, waxay sidey Raashiin oo uu lahaa nin ganacsade ah, waxaana ku dhintay Hooyo Afar caruur ah oo ay dhashay iyo laba qof oo kale.” Ayuu yiri qof ka mid ah dadka degaanka.


Xafiiska Wararka BoramaNews
BoramaNews.com

We use cookies to improve our website and your experience when using it. Cookies used for the essential operation of this site have already been set. Cookie policy. I accept cookies from this site.Agree