BAADH WARKII KU DHAAFAY KU QOR

Maanso laxidhiidha Silsiladii Garba-diir,kana Jawaabaysa tixdii Abdi Galayr.

MAANSOGalayrow dabuubtii
Dulucdeedi maansada
Waxbaa iiga daalacay
Dulinkii qabiilkiyo
Dunjigeedu eexyahay
Diirtiyo lajaartahay-
Habartii dadqalatoo-
Dufan-jecel uhiiltahay
Daacadi kadheertahay
Duur-xulkeedu godobyahay
Danigeedu badanyahay
Dawankeedu xeelyahay
Ducadeedu beentahay
Uurkeedu dedanyahay,
Dabinkii Sakaarada-
Loo-dalaalimeeyiyo
God-daboolan aytahay
Ana duulistiisa laydiraye ma-ogtahay
 
Duhur weli magaadhine
Ha daakirin wadaadkow
Dello hawdurbaan tumin
Dayo macasha hawqaban
Dayladuu marhore cunay
Daribtiina leexsaday
Dbedaha kukaydsaday,
 
AArkii dabooliyo
Caamir weli ma dihanine
Dibuhay xakamahoo
Jarku yaanu kuladumin
Doorkii abwaankiyo
Raguu madaxu deebyaa
Daajinaaya maansada
Daan-ciroolayaaliyo
Qabilaa dabka usida
Degdeg kumahaboone
Da-yartaay kafiirsada
Digtoonow Galayrow
Dibujeeso waa ammar
Hadar-jiidhin sheekhow
Dulucdiyo ujeedadu
Waykaa da-weyntoo
Axmed-baa dareewala
Weedhsamaa dusheedana
Diiradiisu taala
Dawadeedu waa qaran
Dunbuqeedu waa ani,
 
Afartaasi waa danab
Digniin weeye waana ah.
Way-iladurdurisoo
Diribaan uxaytaye
Degta aan kasoorogo
Dibu-eego xaajada
Qabilow kusoodurug
Ifkuu Geedi daariyo
Doodan aan wadaagne
Dayaxii dhulkaygaw
Daruurtii hilaacdee
Deegaanta bixisaw
Danyartiyo agoomaha
Diricii uhiishaw
Dugaagiyo waraabaha
Dayr ugasameeyaw
Deeleydan curatiyo
Derejada abwaanada
Dahab-kiikuqaatow
Doorashada xalaasha ah
Kii-loogu deeqe
Haduu mowdku daayaba
Weligii degaynow
Adigaa dalkeeniyo
Golayaasha daadihin
Iyo damalka koosaar
 
Dejey oo hadana degey
Danab-kacay sidii sulub
Waxa dacarta kiciyiyo
Aan doogta taabtee
Dulmigiyo xumaantaan
Kacaankii kadiidaa
Dibu-soorujuuco
Dakharadi igaadhaan
Dibu sooxasuustoo
Nabarbaa dilaacoo
Daaradii agoontaa dunbuq
Lagaga boobo
Kadaayaay ninkii yidhi
Duub-castii afweyniyo
Daalimiin utababaray
Danihiisa gaarkaa
Duhurkii afduubo
Dilka maatadeenana
Dalacaad kuhela oo
Duqu uu-amaaniyo
Duco ugu ladhaayo
Diba laysu weydiin.
Waxa taas kasiidaran
Dahabkiyo petroolkii
Macdantii daboolayd
Wasiir debed wareegiyo
Dilaalbaa kumamayoo
Sherikaadka dunidaa
Dayn lagaga qaatoo
Dalka wuu xaraashaye
Miyaan daala-odhanayn?
Sharci lagu dabaaliyo
Distoorkii miyuu lumay?
Dugsiyada tacliintiyo
Ardaydaa dulaantoo
Dixda dhagax kaguratoo
Daafaca xaqoodee
Da-yartii maxaa helay?
Maxaw daawanaysaan?
 
By: Xasan xalwad

AKHRISO WARARKII KU DHAAFAY IYO WARARKA LA XIDHIIDHA WARKAN


Thursday, 01 August 2013 12:58
Sunday, 06 October 2013 19:17
Monday, 14 October 2013 20:17
Friday, 15 November 2013 16:07
Monday, 16 June 2014 15:35
Tuesday, 13 August 2013 18:00
Tuesday, 14 January 2014 15:26
Saturday, 29 March 2014 15:32
Thursday, 01 August 2013 19:05
Wednesday, 01 January 2014 19:57