Wednesday, 13 March 2019 14:39

Dawlada Fansiiska Oo Shaacisay In Ay Itoobiya Ka Caawinayso Dhismaha Ciidamada Bada Oo Ay Itoobiya Ku Hawlantahay Ugu Yabooday Lacag Dhan 100 Milyan Oo Yuuro

13/03/2019(BNN) Dowlada Faransiiska ayaa ka caawinaysa dowlada Ethiopia dhismaha ciidamada Badda kadib markii wadahadalo ay ku yeesheen magaalada Addis Ababa.


Madaxweynaha Faransiiska Macron ayaa shir jaraa’id oo ay wadajir u qabteen Ra’iisul Wasaaraha Ethiopia Abiy Ahmed waxa uu ku sheegay in dowladiisu ay ka caawineyso Ethiopia inay dhisato ciidamada badda.

Labada dowladood ayaa sidoo kale ku heshiiyay inay yeeshaan ganacsi iyo xidhiidh wanaagsan, waxana ay dowlada Faransiiska ugu deeqday dowlada Ethiopia lacag gaareysa boqol malyan oo Euro.

Ciidamada dalka Ethiopia ayaa burburay sanadkii 1991kii kadib markii uu ka go’ay dalka Eritrea wadanka Ethiopia. Hase yeeshee waxa uu dhowaan sheegay ra’iisul Wasaare Abiy Ahmed inuu dhisi doono ciidamada Badda.

Madaxweynaha dalka Faransiiska Emmanuel Macron ayaa booqasho afar maalmood ah ku jooga wadamo ku yaal Geeska Afrika.

Booqashada Madaxweyne Macron uu ku joogo qaarada Afrika ayaa waxa uu lugtii ugu horeysay ku tegey dalka Jabuuti waxaana lagu wadaa in uu booqdo dalka Kenya.


Xafiiska Wararka BoramaNews
BoramaNews.com

We use cookies to improve our website and your experience when using it. Cookies used for the essential operation of this site have already been set. Cookie policy. I accept cookies from this site.Agree