Borama News Network
Somali News

Banaan Baxa Balaahan Oo Lagaga Soo Horjeedo Maamulka Puntlan Oo Ka Dhacay Gobobka Bari Ee Puntland + SAWIRO

Qaar ka mid ah Shacabka deegaanka Ceel-Daahir ee Gobolka Bari Puntland ayaa waxaa ay Maanta dhigeen banaanbax cabasho ah ay uga soo horjeedaan xukun dil toogasho ah oo Maxkamada Ciidamada Qalabka sida ee Puntland ay shalay ku riday askari ka tirsanaa Ciidamada maamulkaas.

Askariga Maxkamada Ciidamada Qalabka sida ee Puntland ay ku riday xukunka dilka ah ayaa lagu eedeeyay fududeynta dilkii Boosaaso loogu gesytay Maareeyihii dekedda Boosaaso ee shirkadda P&O Paul Anthony Farmosa.

Shacabka ayaa sheegay in Askariga la xukumay oo lagu Magacaabo Xiddigle Maxamuud Axmed Maxamed (Sheekeeye) xukunkiisa uu yahay mid xaqdaro ah,isla markaana Madaxda Puntland aysan u cadaalad falin Shacabka degan deegaannada kala duwan ee Puntland.

Qaar ka mid ah dadka banaanbaxa dhigayay ayaa waxaa ay sheegeen in uu sharci darro yahay xukunka lagu riday askarigaas,waxaana ay ka dalbadeen Madaxda Puntland inay ka fiirsadaaan fulinta Xukunkaas oo ay sheegeen in uu yahay mid dowlado shisheeye lagu raali gelinayo.

Banaanbaxaayasha ayaa wadooyinka deegaanka Ceel-Daahir qaarkood xiray,iyaga oo markaasi ku gubay Taayaro,waxaana wararka la helayo ay sheegayaan in inta badan Goobaha Ganacsiga ay Maanta xiran yihiin.

Taliyaha Ciidamada Ammaanka deegaanka Ceel-Daahir ayaa u soo baxaya dadka banaanbaxa dhigaya si uu ula hadlo,hayeeshee ay taasi ka biyo diideen, iyaga oo sheegay inay banaanbaxa wadi donaan ilaa iyo inta laag jawaabayo cabashadooda.

Related posts

DAAWO: Iran Oo Dib U Gurasho Ka Samaysay Dagaalka Magaalada Idlib Ee Dalka Suuriya Iyo Arimaha Ku Kalifay Dib U Gurashadeeda

Bnnstaff Bnnstaff

Deg Deg: Kismaayo Oo Lagu Soo Rogay Bandow Iyo Dhamaanba MeelahaLaga Soo Gali Garo Magaalada Oo La Xidhay

Bnnstaff Bnnstaff

‘Madaxwayne Kun Caare Ayaa Ku Jira Ciidamada Ee Talaabo Ka Qaad” Caaqil Shaqaaqadii Ceel Afwayn Ku Eedeeyay Ciidamada Fariin U Diray Muuse Biixi

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy