Borama News Network
Somali News

Saraakiil Ka Tirsan Ururka Alshabaab Oo Lagu Laayay Duleedka Magaalada Baydhabo

Ciidamada xoogga dalka iyo kuwa maamulka Koonfur Galbeed Soomaaliya ayaa saakay deegaanno hoos taga magaalada Baydhabo ee xarunta gobolka Bay waxa ay ku dileen saraakiil ka tirsan Al-Shabaab.

Saraakiisha hoggaaminaysa ciidamada isgarabsanaya oo warbaahinta qaranka la hadlay ayaa sheegay in ay Al-Shabaab kala wareegeen Tuulo lagu magacaabo Buulo-Jebi iyo tuulooyin kale, kuwaas oo horay ay u maamuli jireen Al-Shabaab.

Xiliga ay ciidamada dowladdu weerarka ku qaadeen ayaa waxaa la sheegay in dagaalamayaasha Al-Shabaab lacago iyo xoolo ay ugu yeereen sakawaad ka qaadayeen dadka shacabka ah ee ku nool deegaanadaas oo u badan xoolo dhaqatto.

Saraakiisha ayaa sheegay in howlgalkaas ay ku dileen xubno ka tirsan dagaalamayaasha Al-Shabaab oo ay ku jiraan madixii amniyaadka iyo Madaxii Sakawaadka oo Al-Shabaab u qaabilsanaay deegaanada saakay lagu weeraray.

Saraakiisha hoggamineysa ciidanka xoogga dalka ee saakay la wareegay deegaanadaas ayaa dadka shacabka ah ee ku nool deegaanada waxay ka dalbadeen inay la shaqeeyaan ciidamada dowladda, iyagoo u balan qaaday inaysan dib uga laaba doonin deegaanada ay ka saareen gacanta Al-Shabaab.

Xafiiska Wararka BoramaNews
BoramaNews.com

Related posts

DAAWO: Waxyaabaha Sobobay Dib U Dhaca Ku Yimid Keenista Maydka Marxuun Eng Yariisaw

Bnnstaff Bnnstaff

DAAWO: Xildhibaano La Horkeenay Maxkamada Maroodi Jeex Ee iyo Qareenadii Oo Ka Warbixiyay

Mustafe Haji

DAAWO: Maayirka Magaalada Burco Oo Si Adag Uga Hadlay Saamiga Koraasta Baarlamaanka Somaliland Kuna Dooday Caasimada Labaad Ee Somaliland

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy