Borama News Network
Somali News

Madaxwayne Trump Oo Dacwad Ka Gudbiyay Maamul Goboleedn Ka Tirsan Dalka Maraykanka Iyo Waxyaabaha Uu Ku Dacweeyay

Madaxweynaha Maraykanka Donald Trump iyo xisbiga jamhuuriga ee uu ka tirsanyahay ayaa dacwad ku furey maamulka gobolka California kaas oo meelmariyay sharci cusub oo qasab ka dhigaya in qofka isu taagaya xilka madaxweynenimada uu soo bandhigo canshuurtii uu bixiyay.

Barasaabka gobolkan Gavin Newsom oo ka tirsan xisbiga dimoqoraadiga ayaa todobaadkii hore saxiixay sharcigan oo la sheegay in uu jilaafayn karo rajadii Trump ee ahayd in markale lasoo doorto.

Trump iyo xisbiga ayaa dacwadda ay maxkamadda geeyeen ku doodaya in sharcigan cusub uu dastuurka jabinayo maadaamaa uu shuruud dheeraad ah ku darayo shuruudaha uu dastuurka Maraykanka u dajiyay qofka u tartamaya xilka madaxtinimo.

Sharciga cusub ayaa waxa uu kaliya quseeyaa codbixiyeyaasha gobolkaas, wuxuuna mamnuucayaa in dadka aysan u codeyn karin qof aanan soo bandhigin canshuurtii uu bixiyay.
Dastuurka Maraykanka ayaa saddex shuruudood ku xiraya qofka u tartamaya xilka madaxtinimo, waxaana ka mid ah in uu yahay muwaadhin Maraykan ah oo ku dhashay gudaha dalkaas, in uu dalkaas degenaa muddo 14 sanno ah, iyo in uu ka weynyahay 35 jir.
Xisbiga Jamhuuriga ayaa waxa uu ku doodayaa oo kale in sharcigan California uu yahay weerar qaawan oo lagu qaaday madaxweyne Trump, islamarkaasna uu si aan xaq ahayn uu u dhimayo fursadaha markale lagu soo dooran karo.

Trump waa madaxweynaha kaliya ee aan la ogeyn canshuurta uu bixiyay, marar badan oo laga codsadayna waa uu diiday.

Madaxweynaha kale ee sidaas yeelay wuxuu ahaa Gerald Ford sannadkii 1976-dii.

Xafiiska Warark BoramaNews
BoramaNews.com

Related posts

Qubanaha VOA: Dawlada Qadar Oo Ku Dhawaaqday In Ay Bilaabayso Dhismaha Dekeda Hobyo Iyo Qodo Kale Oo Xiiso Leh

Bnnstaff Bnnstaff

Akhriso:-Wararkii Ugu Dambeeyay Ee Hawlgalada Ay Ciidamada Xooga Dalka Somaliya Ka Wadaan Shabeelaha Hoose

Bnnstaff Bnnstaff

Muuse Biixi Iyo Waftigii Uu Hogaaminayay Oo Maanta Dib Ugu Soo Laabtay Magaalada Hargaysa

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy