Borama News Network
Somali News

Murashaxiinta Doorashada Maamulka Jubaland Oo Shuruud Adag Ku Xidhay Doorashada Iyo Kulamo Xasaasiya Oo Kismaayo Ka Socda

Murashaxiinta u taagan kursiga ugu sareeya Jubaland ayaa magaaladda Kismaayo kula kulmay ergayga IGAD u qaabilsan arrimaha Soomaaliya, waxaana la iska xog-wareystay xaaladihii ugu dambeeyay ee degaanadda maamulkan gaar ahaan amniga, siyaasada iyo doorashooyinka.

Tartameyaasha oo kulanka kadib soo saarey war-saxaafadeed ayaa soo bandhigay todob shuruud oo ay ku xidheen ka qeybgalka doorashadda oo ay horey uga biyo diideen.

1 – In la bedelo guddiga haatan ee doorashooyinka kaasi oo “ku dhisan qaab sharci darro ah un adeegaya danaha madaxweynaha waqtigu ka dhamaaday ee Axmed Madoobe”.

2 – In lasoo magacaabo guddi doorasho oo cusub, sidda uu qabo dastuurka, kaasi oo aanan lahayn wax xad ah, isla markaana raacaya geedi u socodka daruuriga ah ee loo baahdo.

3 – In odayaasha “saxda ah” ay soo xulaan mudaneyaasha cusub ee ka mid noqonaya baarlamaanka cusub ee dowlad goboleedka Jubbaland, maadaama ay shaki ka muujiyeen kuwa haatan.

4 – In kaliya hal murashax loosoo xulo baarlamaanka cusub, maadaama waqti xaadirkan uu maamulka soo rogay in saddex xubin ay soo xulaan odayaasha kadibna guddiga uu mid kala baxayo.

5 – In doorashada uu maamulo guddi baarlamaani ah

6 – In doorashadda lagu qabto goob dhex-dhexaad ah sidda xarunta Qaramada Midoobay

7 – In ciidamada AMISOM ay sugaan ammaanka goobta ay ka qabsoomeyso doorashadda xitaa amniga murashaxiinta

8 – In dowladda federaalka ay goobjoog ka noqoto doorashadda

9 – In korjoogto caalami ah ay kasoo muuqan madasha ay ka qabsoomeyso coddeynta

10 – In warbaahinta caalamka iyo tan maxaliga ah ay sidoo kale door ku yeeshaan tabinta

Qodobada ay miiska soo saaran murashaxiinta kasoo horjeeda Axmed Madoobe ayaa kusoo beegmaya iyadda oo bisha August loo balansan yahay doorashadda ayna haatan socoto soo xulista Xildhibaanada cusub.

Sikastaba ha ahaatee, liiska rasmiga ah ee baarlamaanka labaad ee maamulkan xubinta ka ah federaalka Soomaaliya ayaa la filayaa in lagu dhawaaqo 48-da saacadood ee soo aadan.

Xafiiska Wararka BoramaNews
BoramaNews.com

Related posts

Xisbiga UCID Oo Iclaamiyay Gobolka Degmada iyo Wakhtuga Uu QabN Doono Shirweynihiisa Golaha Dhexe

Amiin

Xildhibaan Bukhaari “Somaliland Waxaan Ugu Baaqay In Wadda Hadalada Somalia La Joojiyo”

Amiin

” 70 Kun Oo Dollar Weeye Labada Gaadhi Madaxweynuhu Lacagtan Xagguu Ka Keenay ” Abwaan Yuusuf Shaacir Ka Hadlay Gawaadhidii Kaftanka La Isku Dhaafsaday + VIDEO

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy