Borama News Network
Somali News

Baadhitaankii Qaraxii Dawladda Hoose Ee Xamar Oo Inta Badan Soo Dhamaaday Iyo Xog Cusub Oo Laga Helay

Waxaa inta badan la soo gabagabeeyay baadhitaankii Qaraxii Xarunta Gobolka Banaadir ka dhacay 24-kii bishii July, kaasoo ay ku dhinteen 10 ruux oo uu ku jiro Guddoomiyihii Gobolka Banaadir iyo ahaana Duqa magaalada Muqdisho Cabdiraxmaan Cumar Cusmaan Yariisow.

Baaritaankan ayaa la sheegay inuu socday labadii todobaad ee u dambeeyay, iyadoo ay wadeen Hey’addaha Amniga dowladda sida Booliska iyo Nabadsugida, iyadoo sidoo kale ay jireen gacan saddexaad oo baaritaanka ku lug lahaa.

Wararka qaar ayaa sheegaya in baaritaanka hordhiciisa lala wadaagay qoyska Allaha u naxariistee Guddoomiye Yariisow, isla markaana xalay ay la kulmeen xubno ka mid ah Guddiga waday baaritaanka oo warbixin ka siiyay sida wax u dhaceen, lagana dalbaday qoyska inay wixii su’aalo ka weydiin karaan Guddiga.

Sidoo kale waxaa la sheegay in weerarka ka dhacay Xarunta Gobolka Banaadir ay ka dambeysay gabar araga la’ oo lagu magacaabayay Basiiro Cabdi Maxamed oo fulisay weerarka is qarxinta, kuna magacawneyd Xiriiriyaha dadka baahiyaha gaarka qaba ee Gobolka Banaadir, iyadoo lagu raad-joogo haweeney kale oo caawin jirtay, lana rumeysan yahay inay qeyb weyn ku laheyd qaraxa Xarunta Gobolka Banaadir.

Waxaa kaloo la sheegayaa inay xiran yihiin dad ku dhow 10 ruux oo weli baaritaan lagu haayo.

Natiijada kama dambeysta ah ee baadhitaanka ayaa lala wadaagay Madaxweynaha iyo Ra’iisul Wasaaraha, lana filayo in maalmaha soo socda la soo bandhigo, iyadoo ay wehlin doonaan caddeymo kala duwan sida muuqaalada CCTV ee ay laheyd Xarunta oo ay heyaddaha amnigu la wareegeen markii uu qaraxa ka dhacay xarunta.

Si kastaba ha ahaatee maalinta jimcaha ayaa la filayaa in la soo gabagabeeyo Tacsida Guddoomiyihii Gobolka Banaadir ahaana Duqa Muqdisho, iyadoo lagu wado in Munaasabadda baroor diiqda ah lagu qabto Garoonka Banaadir Stadium ee degmada Cabdicasiis, halkaasoo si rasmi ah loogu magac dari doono Eng. Yariisow.

Xafiiska Wararka BoramaNews
BoramaNews.com

Related posts

DAAWO: Maayirka Magaalada Borama Eedaymo Culus U Jeediyay Gudoomiyah Xisbiga Wadani Ee G/Awdal Kana Hadlay Muranka Caasimada Labaad

Bnnstaff Bnnstaff

Warbixin Xiiso Leh Oo Laga Diyaariyay Dayaca Ku Habsaday Goobihii Dalxiiska Ee Deleedka Magaalada Muqdisho

Bnnstaff Bnnstaff

Siyaasi Jawaan Oo Ka Hadlay Guddiga Madaxweyne Farmaajo U Magacaabay Wada-hadalka Somaliland iyo Soomaaliya

Amiin

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy