Borama News Network
Somali News

Deg Deg: Puntland Oo Gacanta Ku Dhigtay Xubno Alshabaab Ah Oo Ay Sheegtay In Ay Xidhiidh La Leeyihiin Somaliland

Taliyaha Guud ee Ciidamada Soomaaliland Sarreeye Gaas Yaasiin Cumar Dheere ayaa sheegay in Puntland ay gacanta ku dhigtay Xubin ka tirsan Ururka Al-Shabaab sidoo kale Isbaheysi la ah Soomaaliland.

Taliyaha Isaga oo la hadlayay mid ka mid ah Warbaahinta ka howlgasha deegaannada Puntland ayuu sheegay in Xubnaha ay qabteen ee ka tirsan Al-Shabaab ay qirteen inay isbaheysi la leeyihiin Soomaaliland,isla markaana Xubnahaas ay ahaayeen kuwo dhaqaalo iyo Agab kale ka keenay Soomaaliland una waday Buuraha Galgala oo ay ku sugan yihiin Xubno ka tirsan Al-Shabaab.

Dhawaan ayuu krmeer waxa uu ku tegay Taliyaha qeybo ka mid ah Gobolka Sanmaag iyo Buuraleyda Calmadow ee gobolka Bari,halkaas oo ay ku sugan yihiin Ciidamo ka tirsan Millateiga Maamulka Puntland.

Waxaa uu ugu dambeyn taliyaha soo hadal qaaday xiisada kala dhaxeysa Soomaaliland,waxaana uu sheegay in tira yar oo ka tirsan Ciidamada Soomaaliland kuna sugan deegaanada Dhahar iyo Baran ay diyaar u yihiin inay kusoo biiraan Ciidamada Puntland.

Waa markii labaad oo Saraakiil ka tirsan Ciidamada Puntland ay Soomaaliland ku Eedeeyaan inay xiriir la leeyihiin Al-Shabaab,wallow Saraakiil ka tirsan Ciidamada Soomaaliland ee ku sugan gobolada Sool iyo Sanaag ay warkaasi beeniyeen.

Xafiiska Wararka BoramaNews
BoramaNews.com

Related posts

Ciidamada Koonfur Galbeed Somaliya Oo Weerar Ku Qaaday Alshabaab Iyo Nin Ay Nolasha Ku Soo Qabteen

Bnnstaff Bnnstaff

Maraykanka Oo War Ka Soo Saaray Doorashada Maamul Goboleedka Jubaland Oo Dhawaan La Filayo In Ay Ka Dhicdo Kismaayo

Bnnstaff Bnnstaff

“Latilayaha Sharciga Ee Golaha Wakiiladu Sifo SHarci Daraa Ayuu Golaha U hor Istaagey “Garyaqaan Jicsi

Mustafe Haji

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy