Borama News Network
Somali News

Ururka Xisbulah Oo Shaaciyay In Ay Soo Rideen Diyaarad Aan Duuliye Lahayn Oo Ay Leedahay Isra’il

Kooxda Xizbullah ayaa maanta sheegtay in dagaal-yahannadeeda ay koonfurta Lebanon kusoo rideen diyaarad aan duuliye lahayn (Drone), oo ay lahayd Israel.

Bayaan kasoo baxay kooxdan ayaa lagu sheegay inay “hub ku habboon” u adeegsatay soo ridista diyaaradda, islamarkaana ay hadda gacanta ku hayso.

Militariga Israel ayaa sidoo kale ku warramay in mid ka mid ah diyaaradahooda drone-ka lagu soo riday isla aagaas, hase yeeshee ma aysan shaacin waxa sababay.

Israel waxa ay sheegtay inay ahayd “diyaarad iska fudud”, islamarkaana aysan jirin wax walaac ah oo ku saabsan in xog muhiim ah laga helo.

Hoggaamiyaha Xizbullah, Xassan Nasrallah ayaa bishii tagtay ka digay in dagaal-yahannadiisa ay weerari doonaan diyaarad kasta oo Israel ay leedahay oo soo gasha hawada Lebanon.

Dhacdadan ayaa timid kadib markii Xizbullah iyo ciidamada Israel ay markii ugu horreysay muddo sanado ah is-weydaarsadeen rasaas kadib markii Xizbullah ay gantaallada lidka taankiyada ku weeraray Israel, Israal-na ay ku jawaabtay gantaallo kale.

Labada dhinac ayaa waxaa sanaddii 2006 dhex-maray dagaal socday bil.

Xafiiska Wararka BoramaNews
BoramaNews.com

Related posts

Airportka Barbara Somaliland Kama Maaranto Waana Qaran Dumis In Saldhiga Looga Dhigo Imaratka” Marwo Faadumo Siciid

Bnnstaff Bnnstaff

DAAWO MUUQAALKA Qaraxii Khasaaraha Badan Geystay Ee Ka Dhacay Muqdisho iyo Xujaaj Ku Geeriyootay

Amiin

Madaxwayne Cagjar Oo Ka Sheegay In Uu Wax Ka Qabtay Hawlaha Cadaalada Fariina U Diray Shacabka Ku Nool Deegaanada Somali State

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy