Borama News Network
Somali News

Alshabaab Oo Weerar Ku Qaaday Saldhig Ay Ciidamada Somaliya Ku Leeyihiin Gobolka Gado

Faah faahino dheeraad ah ayaa kasoo baxaya dagaal culus oo Ciidamo ka tirsan kuwa dowladda Soomaaliya iyo ururka Al-Shabaab xalay ku dhexmaray deegaanka degmada Garbahaareey ee Xarunta Gobolka gedo.

Dagaalka ayaa yimid kadib markii Ururka Al-Shabaab ay weerareen Saldhig Ciidamo ka tirsan kuwa dowladda Soomaaliya ku leeyihiin degmada Garbahaareey,waxaana halkaasi ka dhacay dagaal socday in ka badan hal Saacad.

Dadka degmada Garbahaareey ayaa ku waramaya in uu jiro khasaaro dhimasho iyo dhaawac ah oo dagaalkaas kasoo kala gaaray labada dhinac, hayeeshee aan weli la ogaanin maadaama xilliga dagaalka uu dhacay ay aheyd habeen.

Sarkaal u hadlay Ciidamada dowladda ee Gobolka Gedo ayaa sheegay inay iska difaaceen weerarkii kaga yimid dhinaca Al-Shabaab,isla markaana weerarka uu ahaa mid ay ka warhayeen,kadib markii lala soo wadaagay weerarka kusoo wajahan.

Waxaa uu sheegay in dagaalka ka dhacay degmada Garbahaareey ay Shabaab uga dileen laba qof sidoo kalena ay ka furteen saddex qori oo mid ka mid ah uu yahay Qoriga Sabanka ama Baasuukaha,sidoo kalena dhinacooda uu jiro khasaaro dhaawac ah.

Al-Shabaab weli dhankooda wax war ah kama soo saarin dagaalka xalay Ciidamada Dowladda ay kula galeen degmada Garbahaareey ee Xarunta ee Gobolka Gedo,waxaana wararka aan saaka heleyno ay sheegayaan in Ciidamada Dowladda ay duleedka Garbahaareey saakay ka wadaan dhaq dhaqaaqyo Ciidan.

Xafiiska Wararka BoramaNews
BoramaNews.com

Related posts

Khilaaf Hor Leh Oo Ka Dhex Qarxay Madaxwayne Deni Iyo Madaxwayne Ku Xigeenkiisa Iyo Waxyaabaha Uu Salka kU hAYO Khilaafkasi

Bnnstaff Bnnstaff

“Nidaamka Fadaraalka Waxaa Loo Arkayay In Uu Xal Uyahay Caqabdihii Ka Jiray Dalka ” Faarax Cabdiqaadir

Bnnstaff Bnnstaff

Madaxwayne Mustafe Cagjar Oo Shaaciyay In Uu Qorshayanayo In Afsomaligu Noqdo Luuqada Kawbaad Ee Dalka Itoobiya

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy