Madaxwayne Farmaajo Oo Maanta Furaya Falfadhiga Lixaad Ee Baarlamaanka Somaliya

Maanta oo Arbaco ah ayaa la filayaa in Madaxweynaha Soomaaliya Maxamed Cabdullaahi Farmaajo uu furo Kal-fadhiga 6-aad ee labada Aqal ee Baarlamaanka Federaalka Soomaaliya,kadib markii muddooyinkii la soo dhaafay ay Xildhibaanada fasax ku jireen.

Xafladda furitaanka Kal-fadhiga 6-aad ee Baarlamaanka labada Aqal ayaa waxaa lagu qaban doonaa xarunta Jeneraal Kaahiye ee Iskool Buluusiya ee ku yaalla degmada Xamar Jajab ee Gobolka Banaadir.

Madaxweynaha Jamhuuriyadda Federaalka Soomaaliya Maxamed Cabdullaahi Farmaajo ayaa la filayaa in uu si rasmi ah u furo Kal-fadhiga,isla markaana uu ka jeediyo khudbad dhinacyado taabaneysa, sida uu qabo Dastuurka dalka.

Furitaanka Kal-fadhiga Lixaad ee Baarlamaanka labada Aqal ee Soomaaliya ayaa waxaa Maanta sidoo kale goobjoog ka noqon doona Guddoomiyaha Baarlamaanka dalka Jabuuti Maxamed Cali Xaamud oo dhawaan soo gaarey muqdisho,sidoo kalena tegay Magalada Baydhabo.

Kal-fadhiyadii 4-aad iyo 5aad ee Baarlamaanka labada Aqal ayaa si kala gooni gooni ah u furmay,kadib khilaaf soo kala dhex-galay,hayeeshee dhawaan xal ay ka gaareen khilaafkii.

Ammaanka guud ee Magaalada Muqdisho ayaa Maanta si weyn loo adkeeyay,iyadoona Ciidanka amniga Maanta lagu arkayo wadooyinka qaar ee Magalada Muqdisho.

Xafiiska Wararka BoramaNews
BoramaNews.com

Related posts

“Manu Aqoonsanin Somaliland Ee Midnimada Somaliya Ayaanu Ka Shaqaynaynaa” Madaxwayne Ku Xigeenka Jubaland

Bnnstaff

DEG DEG Wasiirka Amniga Jubaland Cabdirashiid Janan Oo Maanta La Soo Taagay Maxkanada Gobolka Banaadir

Bnnstaff

Shir Lagaga Hadalayo Arimaha Deegaanka Oo Maanta Ka Furmay Magaalada Muqisho

Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy