Beesha Caalamka Oo Shuruudi Adag Hordhigtay Madaxwayne Axmed Madoobe

Maalmihii la soo dhaafay waxaa Magaalada Kismaayo ku sugnaa Xubno ka socda Beesha Caalamka,kuwaas oo kulamo xasaasi la qaatay Madaxweynaha Jubbaland Axmed Maxamed Islaam iyo Siyaasiyiinta ka aragtida duwan ee ku sugan Kismaayo.

Kulankii ugu dheeraa ayaa Xubnaha Beesha Caalamka waxaa ay la qaateen Madaxweynaha Jubbaland Axmed Madoobe, iyaga oo kala hadlay khilaafka kala dhaxeeya dowladda iyo kuwa ka aragti duwaniyo  in xal loo helo Arrimaha Jubbaland.

Xildhibaan Xasan Cabdi oo kamid ah Xildhibaannada Golaha Shacabka oo deegaan doorashadiisu tahay Jubbaland ayaa beeniyey Warar maalmihii la soo dhaafay Baraha Bulshada lagu faafinayay oo ahaa in Beesha Caalamka Axmed Madoobe ka dalbadeen in doorashada markale dib loogu celiyo.

Waxaa uu sheegay Xildhibaanka in Xubnaha Beesha Caalamka ay Axmed Madoobe ka dalbadeen in uu wada-hadal la furo Dowladda Federaalka,isla markaana wada-shaqeyn la bilaabo cidii kale ee waxtabaneysana la qanciyo.

Dowladda Soomaaliya ayaa horay waxaa ay u sheegtay inaysan aqoonsaneyn doorashadii ka dhacday Kismaayo ee uu kusoo baxay Axmed Madoobe,waxaana Wasaaradda Arrimaha Gudaha ay soo saartay hab raac ku aadan doorasho kale oo la qabanayo

Xafiiska Wararka BoramaNews

BoramaNews.com

Related posts

URURKA UMD WUXUU BAAQ NABADEED U DIRAYAA BEELAHA KU DAGAALLAMAYA GOBOLKA MUDUG

Mustafehaji

Xogta Dahsoon Dhibaatada uu Sababay Nadaamka Caalamiga ah ee Cusub

Mustafehaji

Golaha Wasiirada Xukuumada Biixi Oo Ansixiyay Miisaaniyada Sanadka 2020

Mustafehaji

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy