Maxkamadda Sare Ciidamada Qalabka sida ayaa saakay xukun ku ridday Daadir Cali Cismaan iyo Cabdullaahi Cismaan oo walaalo ah kuwaas oo loosoo xiray in ay dileen Guddoomiyihii Deegaanka Mareerey Marxuum Xuseen Xasan Mool-gale.
Daadir Cali Cismaan ayaa lagu xukumay dil toogasho ah oo qiyaasta marxuumka ku baxay gacantiisa ah, halka xorriyaddiisa dib loo siiyay Cabdullaahi Cali Cismaan oo la socday markii la dilayay Xuseen balse la caddeeyay in aanay qayb ka qaadan.
Ninka Dilka lagu xukumay ayaa horay Maxkamadda Ciidamada Qalabka sida kahor caddeeyay in uu dilay Guddoomiyihii Mareereeyay una dilay sabab la xiriirta in uu horay u dilay Walaalkiisa inkasta oo laga heshiiyay Dilkaas hore.
Maxkamadda Sare ee Ciidamada Qalabka sida waxaa loo gudbiyay racfaanka laga qaato Maxkamadda Derajada 1aad haddii labada dhinac midkood uu ku qanci waayo xukunka ay riddo waa Xafiiska Xeer Ilaalinta iyo qareennada difaacaya Dadka eedaha loo heysto.
