Madaxwayne Farmaajo Oo Kulan Gaar Ah La Qaatay Raysal Wasaare Abiy Ahmed

Madaxweynaha dowladda Federaalka Soomaaliya Maxamed Cabdullaahi Farmaajo ayaa Magaalada Jabuuti ee Caasimadda dalkaas kulan kula qaatay Ra’iisul Wasaaraha dowladda Federaalka Itoobiya Abiy Axmed.

Kulanka oo gaar ahaa ayaa waxaa looga hadlay arrimo kala duwan oo ku aadan xaaladda siyaasadeed ee dalalka Soomaaliya iyo Itoobiya, sidoo kalena iska xog-wareystay xaaladda Gobolka.

Madaxweyne Farmaajo ayaa Ra’iisul Wasaare Abiy kala hadlay sida wararka qaarkood ay sheegayaan Ajendaal ku jira Shirka Maanta Magaalada Jabuuti uga furmaya Madaxda Urur Goboleedka IGAD oo looga hadli doono Arrimo dhowr.
Weli ma jiro xog intaas ka faah faahsan oo laga helay kulankii dhexmaray Madaxweyne Maxamed Cabdullaahi Farmaajo iyo Ra’iisul Wasaaraha Itoobiya Abiy Axmed, mana jiro wax war ah oo kasoo baxay Madaxtooyada Soomaaliya

Shirkaan Madaxda IGAD ayaa inta uu socdo waxaa looga hadli doonaa Arrimo kala duwan oo kamid ah xaalada Gobolka Tigree-ga oo dhawaan Ciidanka Milateriga dowladda Itoobiya dagaal kagala wareegeen Jabhadda TPLF.

Shirka ayaa Madaxda ka qeyb galeysa waxaa ay diirada ku saari doonaa khilaafka xoogan ee xiligaan u dhexeeya Soomaaliya iyo Kenya, kadib markii dhawaan dowladda ay Urur Goboleedka IGAD u gudbisay dacwad ka dhan ah Kenya, kuna eedeysay fara-gelin.

Madaxweynaha Soomaaliya Maxamed Cabdullaahi Farmaajo iyo wafdi uu hoggaaminayo oo xalay gaaray dalka Jabuuti ayaa Maanta ka qeyb galaya Shirka Urur Goboleedka IGAD, isagoo ka jeedin doona khudbad dhinacyo badan taabaneysa.

Xafiiska Wararka BoramaNews
BoramaNews.com

Related posts

Wasarada Arimaha Gudaha Musuq-Maasuq Ayay Ku Garab Taagan Tahay Mayirka Gabiley”Xoghaye Maxamed Faarax

Bnnstaff Bnnstaff

“Anigoo Yar Ayaan Xaday Xoolo Dad Waanan U Celiyay” Ex Madaxwayne Cali Mahdi

Bnnstaff Bnnstaff

Maraykanka Oo Sheegay In Uu Sucuudigu Samaystay Gantaalo Halis Ah Oo Uu Shiinuhu Ka Caawiyay

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More