Aroornimadii hore ee Talaalada maanta ah waxaa Dalka Japan is casilay Ra’iisul Wasaarihii Dalkaas Fumio Kishida iyo xubno katirsan Wasiirradiisa iyada oo tallaabadaan la hadal hayay maalmihii lasoo dhaafay sida ay ku warrantay Warbaahinta.
Kulankiisii ugu dambeeyay oo uu la yeeshay Golaha Wasiirrada ayuu Kishida ku sheegay in uu is casilay waxaana isla go’aankaas ku raacay oo la qaatay in ay xafiiska banneeyaan xubno katirsan Wasiirradii sida dhow ula soo shaqeeyay.
Isla maanta ayaa lagu wadaa in uu Booskaas buuxiyo Shigeru Ishiba oo qudhiisa laga sugayo in uu soo dhiso ama soo magacaabo Xukuumad ka awood badan tii uu hoggaaminayay Ra’iisul Wasaarihii Is casilay, taasina ay tahay mid ay indhaha ku hayaan Dadka Japan.
Ra’iisul Wasaarihii is casilay ee Dalka Japan Fumio Kishida ayaa xilkaas qabtay 4dii Oktoobar sanadkii 2021, waxa uu xilka ku helay codbixin celceliskeedu gaareyso 71% isaga oo 67 jirkaan kusoo dhisay Xukuumaddiisa.
