Ra’iisul Wasaare Rooble Oo Shaaciyay Inuu Xalinayo Tabashada Musharaxiinta Madaxwayne Ee Somaliya

Ra’iisul Wasaaraha Xukuumadda Federaalka Soomaaliya Maxamed Xuseen Rooble ayaa shir muhiim ah la qaatay wakiiladda iyo safiiradda Dalalka Caalamka u jooga Soomaaliya, isagoo kala hadlay arrimo kala duwan.

Ra’iisul Wasaare Rooble iyo Beesha Caalamka ayaa ka wada hadlay xaaladda siyaasadeed ee dalka iyo arrimaha doorashada dhacaya dhammaadka 2020/21, xili uu weli muran ka taagan yahay.

Waxaa uu caddeeyay Ra’iisu wasaaraha sida ay xukuumadda uga go’an tahay qabashada doorasho nabdoon in xukuumadda ay ka go’an tahay qabashada doorasho si nabdoon uga dhacda dalka.
Rooble oo Shir jaraa’id xafiiskiisa ku qabtay ayaa waxaa uu sheegay inuu diyaar u yahay inuu la fariisto cid kasta oo cabasho ka qabta arrimaha doorashooyinka, wuxuuna tilmaamay in la xalinayo khilaafyada taagan.

Musharaxiinta u taagan qabashada xilka Madaxweynaha ayuu Ra’iisul wasaaraha u caddeeyay inuu xafiiskiisa u furan yahay, isla markaana uu diyaar u yahay in xalinayo tabasho kasta oo ka qabaan doorashada, lana xaliyo muranka taagan.

Ugu dambeyn Ra’iisul Wasaaraha Xukuumadda ayaa shacabka Soomaaliyeed ugu baaqay inay is dejiyaan, isla markaana dalka ay ka dhaceyso doorasho nabad ah, wuxuuna yiri “aniga masuul ka ah xukuumadda, Ra’iisal Wasaarahana ka ah waxaan idin sheegayaa inaan diyaar u ahay inaan qof kasta qaabilo, kalana hadlo wixii caqabad ah ama cabasho ah ay dareemayaan”.

Si kastaba hadalka Ra’iisul Wasaare rooble ayaa waxaa uu kusoo aadaya, iyadoo weli uu muran ka taagan yahay doorashada dalka ka dhaceysa, Musharaxiintana ay kasoo horjeedan Guddiyada la magacaabay oo muranka uu ka taagan yahay.

Xafiiska Wararka BoramaNews
BoramaNews.com

Related posts

Dhalinyarada Reer Borama Oo Su’aalo Waydiisay Madaxwayne Muuse Biixi

Bnnstaff Bnnstaff

Saameynta Roobab Culus Oo Ka Da’ay Hargeysa

Mustafehaji

Liiska 10 ka Dal Ee Ugu Awooda Badan Dhanka Gantaalada Balaastikada Ee Dunida

This website uses cookies to improve your experience. We'll assume you're ok with this, but you can opt-out if you wish. Accept Read More