Iyadoo Israa’iil ay duqaynayso Lubnaan iyo Qaza, gobolku wuxuu weli sugayaa sida – ama goorta – ay u weerari doonto Iran.
1-dii Oktoobar, Iran ayaa ku dhawaad 200 oo gantaal ku ridday Israa’iil, kuwaas oo intooda badan la qabtay.
Waqtigaas, Benjamin Netanyahu, ra’iisul wasaaraha Israa’iil, wuxuu sheegay in Iran “ay la kulmi doonto jawaab culus” – laakiin weli ma jirto jawaab militari.
Wasiirka arrimaha dibadda ee Iran ayaa xalay la hadlay xoghayaha guud ee Qaramada Midoobay Antonio Guterres wuxuuna sheegay in Iran ay diyaar u tahay inay ka jawaabto haddii Israa’iil ay soo weerarto.
“Iran, iyada oo samaynaysa dadaallo dhan walba ah oo lagu ilaalinayo nabadda iyo ammaanka gobolka, waxay si buuxda ugu diyaargaroobaysaa jawaab adag oo laga qoomameeyo tacabur kasta”, Abbas Arakchi ayaa u sheegay Guterres, sida ay sheegtay wasaaradda arrimaha dibadda ee Iran.
