Orodyahanka caanka ah ee Soomaaliga ah, Cali Nageeye ee metala dalka Holand ayaa xalay ku guuleystay orodka dheer ee marathon-ka loo yaqaano, kaas oo lagu qabtay magaalada New Yolk ee dalka Mareykanka.
Nageeye ayaa waxaa uu ka adkaaday ciyaaryahanka reer Kenya, Evans Chibet, kaas oo galay kaalinta labaad sial markaana 2020-kii ku guuleystay tartankan.
Waxaa uu soo bandhigay mid kamid ah orodadiisa ugu awoodda dheeraa abid, isagoo ordayay laba saacadood iyo todobo daqiiqo iyo 39 ilbiriqsi.
Daqiiqadihii u dambeeyay ayuu Nageeye xawaare aad u sareeya ku orday.
Tartankan ayaa lahaa qeybo kala duwan, waxaana dhanka gabdhaha ku guuleysatay, Sheila Chepkirui, 33 sano jir u dhalatay dalka Kenya, waxayna oroday 2 saacadood, 24 daqiiqo iyo 35 ilbiriqsi.
