Dowladda Somalia Oo Maanta Heshiis Shidaal Qodos La Saxiixaneysa Shirkaddo Iyo Halka Laga Leeyahay Shirkadahaasi

Dowladda Federaalka Soomaaliya ayaa Maanta oo tallaado ah waxaa la filayaa in heshiis la xiriirira qodosta shidaal la saxiixato Shirkaddo Ajnabi ah, xili shalay lagu waday in Munaasabadda lagu saxiixayo heshiiskaas ay dhacdo, balse dib u dhac ayaa ku yimid.

Saacadaha soo socda ayaa lagu wadaa in Munaasabad lagu saxiixayo Xirmooyinka ceelasha shidaal ee laga qodayo Xeebaha Magaalooyinka Baraawe iyo Hobyo ee Shabeellaha Hoose iyo Mudug ay ka dhacdo Xarunta Madaxtooyada ee Muqdisho.

Munaasabadda ayaa waxaa goobjoog ka noqon doono Ra’iisul Wasaaraha Xukuumadda Federaalka, Madaxweynayaasha Galmudug iyo Koonfur Galbeed, waxaana dowladda u saxiixaya heshiiskaas Wasiirka Wasaaradda Batroolka Cabdirashiid Maxamed.
Warar soo baxaya ayaa sheegaya in uu soo kordhay culeys dhanka habraacyada loo marayo saxiixa heshiiskaas iyo qaabka loo waafajanayo arrimaha deyn cafinta ee shuruuda Hey’adda IMF, waxaana arrintaas loo saaray Guddi uu hoggaaminayo Wasiirka Maaliyadda Xukuumadda Cabdiraxmaan Ducaale Beyle.

Shirkadaha loo saxiixayo heshiiska xirmooyinka (BLOCKS) shidaal qodista ayaa lagu kala magacaabaa Liberty Petroleum iyo Coastline Exploration oo horay loo oran jiray SOMA OIl & GAS.

Musharaxiinta Madaxweynaha Soomaaliya ayaa Digniin kasoo saaray heshiis qarsoodi ah oo ay sheegeen in dowladda Federaalka Soomaaliya ay ku dooneyso in Shirkaddo Ajanib ah kula gasho Xirmooyin Shidaal laga qodayo gudaha dalka.

Xafiiska Wararka BoramaNews
BoramaNews.com

Related posts

Taliyaha Ciidanka Boliiska Soomaaliya Oo Ka Hadlay Shir Lagaga Hadlayay Doorashada Soomaaliya.

Bnnstaff Bnnstaff

Deg Deg: Dowlada Somaliya Oo War Ka Soo Saartay Go’aanka Ka Soo Baxay Midawga Africa

Bnnstaff Bnnstaff

Doorashooyinka Dalka Liibiya Oo Dib Loo Dhigay Iyo Hirdan Adag Oo Socda

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More