Burburka Diyaaradii Lagu Waayay Hawada Dalka Indonesia Oo La Helay Iyo Halka Laga Helay

Diyaarad rakaab oo laga leeyahay dalka Indonesia oo ay la socdeen 62 qof ayaa ku dhacday badda markii ay ka kacday caasimada Jakarta, sida ay mas’uuliyiintu sheegeen shalay.

Wasiirka Gaadiidka ee dalka Budi Karya Sumadi ayaa sheegay in diyaaradda Sriwijaya Air ee SJY 182 waxaa saarnaa 50 rakaab ah, oo ay ku jiraan 10 caruur ah, iyo 12 shaqaale ah, waxaana markaasi ka dib ciidamada Badda iyo laamaha gurmadku u hawlgaleen inay raadiyaan diyaaradda
Ciidanka Badda Indonesia ayaa sheegay inay heleen burburka diyaaradda oo ku kala firirsanaa afar goobood oo ku yaal biyaha Badda Java, waxaana ay sheegeen in cimiladu aad u liidato aagga diyaaraddu ku dhacday.

Wakaaladda raadinta iyo samatabbixinta Qaranka ayaa sheegtay in goobta ay diyaaradda ku dhacday ay qiyaastii 1.5-2 mayl u jirto labada jasiiradood, ilaa iyo hadda ma soo bixin faah faahin ku saabsan dadkii saarnaa diyaaradda.

Diyaaradda ayaa ka baxday caasimadda Jakarta, waxaana ay ku sii jeeday Pontianak, oo ah caasimada gobolka West Kalimantan, waxaana ay lumisay khadka isgaarsiinta wax yar ka dib markii garoonka ay ka duushay, markaas oo saacaddu ahayd 2.40 pm. waqtiga maxalliga ah (0740GMT), ayey sheegtay afhayeenka Wasaaradda Gaadiidka Adita Irawat.

Xafiiska Wararka BoramaNews
BoramaNews.com

Related posts

Miyay Is Hayaan Madaxwayne Farmaajo Iyo Madaxwayne Geele Ifafaalada Dibu Soo Kabashada Somaliya Ma Halis Baa Ka Taagan

Bnnstaff Bnnstaff

Gudiyada Ka Hortega Covid 19 Abaaraha Oo Kulan La Qaatay Ganacsatada Somaliland

Bnnstaff Bnnstaff

Masuuliyiinta Ugu Saraysa Xisbiga Wadani Oo Kormeeray Goobaha Diiwaan Galinta Ee Gobolka Saraar

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More