Wararkii Ugu Dambeeyay Ee Xiisada Ka Dhex Aloosan Dalalka Sudan Iyo Itoobiya

Waxaa sare usii kacayaa xiisadda ka dhex taagan Suudaan iyo Itoobiya, labada dhinac waxay isku jeedinayaan eedeymo ku saabsan muranka dhanka xudduudka.

Wasaaradda arrimaha dibadda Itoobiya waxay sheegtay in ciidamada Suudaan oo hubeysan ay kasoo tallaabeen xadka isla markaana ay qabsadeen beero iyo inay dhaceen hanti.

Afahayeen u hadlay wasaaradda arrimaha Dina Mufti wuxuu sheegay in xadgubkaas uu horseedat in dagaal uu ka dhex qarxo xudduudka labada dal inkasta oo ay socdaan wadahadallo lagu xallinayo arrintaas.

Dhinaca kale, Suudaan ayaa dhaleeceysay waxa ay ku tilmaantay dandaansi ay maleeshiyaad Itoobiyaan ah ka wadaan deegaanka Al Quraysha oo dhaca bariga.

Wasaaradda arrimaha dibadda Suudaan waxay ka codsatay beesha caalamka inay soo farageliyaan xaaladda isla markaana ay dhaleeceeyaan ‘koox hubeysan oo kasoo jeedo gobolka Amxaarada’

Iskudhaca labada waddan ee hadda taagan wuxuu ku saabsan yahay dhulka loo yaqaanno Al-Fashaqa, halkaas oo ah meesha uu gobolka Amhara ee waqooyiga-galbeed uga yaalla Itoobiya uu xadka kala wadaago gobolka Gedaref ee dalka Suudaan.

Al-Fashaqa, oo ku fadhida dhul dhan 600 kiilo mitir ayaa ah dhul ku fiican dhanka beeraha. Waxaa marar badan goobtan uu dagaal ku dhexmaray beeraleyda labada dal. Itoobiya iyo Sudan ayaa waxaa u dhaxeeya xuduud aad u dheer kaas oo dhan 750 kiilo mitir.

Toddobaadkan ayay aheyd markii mas’uuliyiinta Suudaan ay sheegeen in 6 qof oo rayid ah ay dileen ciidamo Itoobiyaan kaddib markii ay weerar ku qaadeen halkaas.

Xafiiska Wararka BoramaNews
BoramaNews.com

Related posts

Kooxo Hubaysan Oo Shan Macalin Quraan Ku Dilay Shabeelaha Dhexe Xili Ay Quraan Akhrinayeen

Bnnstaff Bnnstaff

Dood Cilmiyeed Lagaga Hadlayay Sidii Loo Horumarin Lahaa Dhaqashada Geele Oo Jigjiga Lagu Qabtay

Bnnstaff Bnnstaff

Guuleed Wiilkii Diyaaradda Sameeyay Oo Turkiga U Socda Iyo Buuhoodle Oo Siwayn Looga Sabootiyey

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More