Qarax Ka Dhacay Magaalada Muqdisho Iyo Khasaaraha Ka Dhashay Oo La Shaaciyay

Khasaaro isugu jira dhimasho iyo dhaawac ayaa ka dhashay qarax miino oo barqannimadii Maanta lala eegtay gaari ay saarnaayeen Mas’uuliyiin ka tirsan maamulka deegaanka Garasbaaleey ee duleedka Magaalada Muqdisho.

Qaraxaas ayaa ka dhacay agagaarka xaafadda Xoosh ee degmada Dharkeenley ee Gobolka Banaadir, iyadoona lala beegsaday gaari Qooqan oo ay la socdeen Guddoomiye ku-xigeenkii amniga iyo siyaasadda Garasbaaleey iyo Guddoomiyihii dhalinyarada deegaankaas.

Agaasimaha Isbitaalka Madiina Dr. Haashim Maxamed Faarax oo la hadlay warbaahinta ayaa u sheegay in qaraxaas ay ku dhinteen 4 Qof, halka 6 ruux kalena ay ku dhaawacmeen, kuwaasi oo la geeyay Isbitaalka Madiina.
Dadka ku geeriyooday qaraxaas ayaa waxaa kamid ahaa Guddoomiye ku-xigeenkii amniga iyo siyaasadda Garasbaaleey Cali Maxamed Macalin (Cali Yare), Guddoomiyihii dhalinyarada deegaankaas Cabdirashiid Cali Dubbad iyo Darawalkii gaariga ku waday.

Guddoomiyihii Ururka dhalinyarada deegaanka Garasbaaleey Marxuum Cabdirashiid Cali Dubbad ayaa waxaa uu ahaa wiil dhalinyaro ah oo aad u firfircon, sidoo kalena kasoo shaqeeyey mid kamid ah Idaacaddaha ku yaalla Caasimadda dalka ee Muqdisho.

Al-shabaab warar ay ku qoreen barahooda Internet-ka ayey ku sheegteen Mas’uuliyada qaraxii Maanta ka dhacay xaafadda Xoosh, iyadoona ay sheegay inay ku dileen Cali Maxamed iyo Cabdirashiid Dubbad.

Muddooyinkii ugu dambeeyay Magaalada Muqdisho ayaa waxaa kusoo badanayay qaraxyada miino ee dhulka lagu aaso ah, waxaana inta badan qaraxyadaas ka dhashay khasaaro isugu jira dhimasho iyo dhaawac, iyadoona Al-shabaab ay sheegteen.

Xafiiska Wararka BoramaNews
BoramaNews.com

Related posts

Warbixin: Halkuu Ku Dambeeyay Khilaafkii Xildhibaanada Golaha Wakiilada Somaliland

Bnnstaff Bnnstaff

Raysal Wasaaraha Ingiriiska Oo Raali Galin Buuxda Siiyay Shacabkiisa Ka Dib Eedaymo Loo Jeediyay

Bnnstaff Bnnstaff

Dowlada Maraykanka Oo Muwaadiniinteeda Ku Sugan Magaalada Nairobi Ugu Digtay Weeraro Ka Yimaada Alshabaab

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More