Borama News Network

Mareykanka oo sheegay inay duqaymo dhanka cirka ah ku qaadeen Xuutiyiinta

Milateriga Maraykanka ayaa Sabtidii sheegay inay duqaymo dhanka cirka ah ku qaadeen bartilmaameedyada Xuutiyiinta ee caasimadda Yemen ee Sanca, oo ay ku jiraan xarun lagu kaydiyo gantaallada iyo xarun laga hago, saacado kaddib markii Xuutiyiinta ay gantaalka magaalada Tel Aviv oo ah xarunta ganacsiga Israa’iil.

Gantaalkan oo ay ku dhaawacmeen 16 qof ayaa noqonaya kii labaad oo muddo labo maalmood gudahood ah lagu weeraro.

Waxaa xusid mudan in ciidamada Israa’iil ay sabtidii shaaciyeen in ay qabteen diyaarad aan duuliye lahayn oo gudaha hawada Israa’iil soo gashay taas oo ka timid dhanka bari, saacado kadib markii 16 qof lagu dhaawacay magaalada Tel Aviv ka dib gantaal ay kooxda Xuutiyiinta Ansar Allah ka soo tuureen dalka Yemen.

Milateriga Maraykanka ayaa sheegay inay qaadeen duqaymo bartilmaameedkoodu la saxay Sabtidii, shalay ahayd, oo ay la beegsadeen xarun lagu kaydiyo gantaallada iyo xarun laga maamulo oo ay leeyihiin Xuutiyiinta oo ay Iran taageerto taas oo ku taal caasimadda Yemen ee Sanca.

Related posts

“150 Xildhibaan oo Golaha Shacabka ka tirsan anaa ka cod badnaanaya marka la aado Qof iyo Cod.

Abdiaziz Bnnstaff

Somaliland oo noqatay dalka kali ah ee Afrika ee galay Xasilooni Siyaasadeed

Abdiaziz Bnnstaff

Wajaale Waxay Tidho Kulmiyaw Bay Bay” Murashaxa Madaxwayne Ku Xigeen Ee Xisbiga Wadani Maxamed Cali

Abdiaziz Bnnstaff