Taliska ciidamada Mareykanka ee Africa ee loo soo gaabiyo AFRICOM, ayaa sheegay in ay fuliyeen duqeymo dhanka cirka oo ka dhan ah kooxda Daacish-ta Soomaaliya.
Duqeymaha ayaa la sheegay inay ka dhaceen dhuulka buuraha ee waqooyi Bari Soomaaliya
AFRICOM oo kaashaneysa Dowladda Federaalka ee Soomaaliya iyo ciidamada qalabka sida ee Soomaaliya, ayaa sii wada dedaalkooda ay ku wiiqayaan awoodda Daacish-ta isla markaana looga hor tego weerarro ay fuliyaan kooxda, taas oo khatar ku ah muwaadiniinta dalka Mareykanka, ciidamadeena iyo muwadiininteenna dibedda, ayaa lagu yiri qoraalka AFRICOM ka soo baxay.
Waxaa sido kale qoraalka lagu sheegay in aanan la bixin doonin xogo dheeri ah oo ku saabsan duqeyntan maadama duqeymaha weli la fulinayo.
