Mareykanka Oo Baaq Kasoo Saaray Heshiiska Shirkii Baydhabo Ee Gudiyada Farsamo Soo Saareen

Xilli weli uu khilaaf ka taagan yahay doorashada Soomaaliya, maamullada Puntland iyo Jubaland-na ay diideen inay ka qeybgalaan kulanka lagu saxiixayo qodobadii kasoo baxay shirkii guddiyada farsamo ee dowladda federaalka, dowlad goboleedyada iyo maamula gobolka Banaadir ee ka dhacay Baydhabo ayaa dowladda Mareykanka waxay ku baaqday in laga shaqeeyo hirgelinta waxyaabihii kasoo baxay kulankaas.

Ergeyga Mareykanka u qaabilsan Qaramada Midoobay, Richard Mills, ayaa sheegay in soo jeedinta guddigii ka koobnaa 14-ka xubnood ay si cad u qeexeyso habka ay tahay in loo xalliyo khilaafka doorashada, waxaana dhinacyada loogu baaqay inay ka shaqeeyaan hirgelintiisa.

“Talooyinka kasoo baxay guddigii farsamo ee Baydhabo waxay bixinayaan qaab-dhismeed cad oo lagu xallinayo caqabadaha siyaasadeed ee halista ku ah mustaqbalka Soomaaliya,” ayaa lagu yiri qoraal lagu daabacay bogga Twitterka ee Ergeyga Mareykanka u qaabilsan Qaramada Midoobay.

Sii hayaha ergeyga Mareykanka u qaabilsan Qaramada Midobay, Richard Mills ayaa sidoo kale sheegay in doorasho aan loo dhameyn ama mid fowda ah oo ay kamid tahay dowlad kumeel gaar ah ay sii siyaadineyso oo keliya culeyska jira, dib u dhacna ku tahay Soomaaliya.

Xafiiska Wararka BoramaNews

BoramaNews.com

Related posts

Beelwaynta Ma Dhibaan Oo Si Way Usoo Dhawaysay Go’aankii Ka Soo Baxay Xisbiyada Iyo Xukuumada Muuse Biixi

Bnnstaff Bnnstaff

Booliska Magaalada Qardho Oo Gacanta Ku Soo Dhigay Gaadhi Khamri Siday

Bnnstaff Bnnstaff

Nigeria:- Qarax Loo Adeegsan Dameer Oo Lagu Dilay Masuul Sare

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More