Qarax Ka Dhacay Dhacay Magaalada Muqdisho Iyo Faahfaahino Ka Soo Baxaya Qaraxaasi

Qarax xoogan ayaa saakay waxaa uu ka dhacay wadada Cabdiqaasim gaar ahaan agagaarka Xaruntii hore ee Safaaradda Turkiga ee degmada Hodan ee Gobolka Banaadir, kaasi oo jugtiisa laga maqlay degmooyin ka tirsan Gobolka.

Goobjoogayaal ayaa ku warramay in qaraxaas uu ahaa miino nooca dhulka lagu aaso ah oo mar qura qarxday, waxaana wararka qaarkood ay sheegayaan in qaraxaas lala eegtay gaari Tikniko ah oo ay la socdeen Ciidamo ka tirsan kuwa Milateriga dowladda.
Khasaaro isugu jira dhimasho iyo dhaawac ayaa ka dhashay qaraxaas lala eegtay Ciidamada dowladda, waxaana goobta si deg deg ah u gaaray Ciidanka Booliska oo xiray aaga oo dhan, dadkuna u diidaya inay marayaan.

Warar hordhac ayaa sheegaya in qaraxa ay ku dhinteen laba Askari, halka Askar kalena oo saarnaa gaariga ay dhaawacyo kala duwan soo gaareen, kuwaasi oo loo qaaday Xarun Caafimaad oo ku taalla Muqdisho.

Laamaha amniga dowladda Federaalka Soomaaliya ayaan weli ka hadlin qaraxa ka dhacay wadada Cabdiqaasim ee degmada Hodan ee Gobolka Banaadir, kaasi oo lala eegtay gaari ay la socdeen Ciidamo Milateri ah.

Xafiiska Wararka BoramaNews
BoramaNews.com

Related posts

Qaramada Midoobay Soo Shaacisay In Ay Somaliya Ka Taageerayso Doorashada Soo Socta

Bnnstaff Bnnstaff

Maxaa Keenay Qorshaha Lagu Hubaynayo Qaar Ka Mida Macalimiinta Dugsiyada Maraykanka.?

Bnnstaff Bnnstaff

Raysal Wasaare Rooble Oo Shaaciyay In Uu Si Deg Deg Ah Uu Uga Hawl Galayo Arimaha Doorashada Dalka Somaliya

This website uses cookies to improve your experience. We'll assume you're ok with this, but you can opt-out if you wish. Accept Read More