Somali Ku Geeriyootay Doon Ku Degtay Xeebaha Dalka Jabuuti Iyo Wararkii Ugu Dambeeyay

Doontaan oo ka baxday dalka Jabuuti ayaa waxaa ay ku degtay Xeebta waqooyi ee dalkaasi Jabuuti, waxaana laga cabsi qabaa in falkaas ay ku dhinteen Soomali farabadan.

Agaasimaha Geeska Afrika ee Hay’adda Socdaalka Aduunka ee IMO,Maxamed Cabdulqaadir ayaa sheegay in muqalasiinta ay doonta ka tuureen dadkaas markii ay ku doonta buuxsantay oo ay xadkeedii dhaaftay.

Qoraal uu soo dhigay Bartiisa Twitter-ka ayuu ku sheegay in doonta oo ku wajahneyd dalka Yemen ay saarnaayeen 80 Ruux, hayeeshee la la’yahay 20 kamid ah dadkaasi.

Afhayeenka IMO Yvonne Ndege ayaa wakaaladda wararka Turkiga ee Anadolu Agency u sheegtay in la helay meydadka 5 Ruux oo kamid ahaa dadka ay doonta kula degtay Xeebaha Waqooyi ee dalka Jabuuti.

Dadka doonta saarnaa ayaa waxaa ay u kala dhasheen dalalka Soomaaliya & Jabuuti, kuwaas oo doonayay inay tagaan dalka Yemen si ay ugu sii gudbaan Sacuudiga.

Waa markii labaad oo doon ay dad Soomali ah kula degto Xeebaha Waqooyi ee dalka Jabuuti muddo saddex bilood gudahood ah, waxaana ku dhintay dad farabadan, halka kuwo kale ay gacanta ku dhigeen Ciidamada ilaalada xeebaha ee dalka Jabuuti

 

Xafiiska Wararka BoramaNews
BoramaNews.com

Related posts

Madaxwayne Gabdhaha Xidhan Soo Daa Oo Kuwii Calanka U Dhiibay Soo Xidh” Sheekh Saaweer

Bnnstaff Bnnstaff

Saylici “Hadii Uu Saajin Madaxwayne Ku Xigeen U Tartamayo Waab Dhisayaa”

Bnnstaff Bnnstaff

Shirkada Duulimaadyada Fly Dubai Oo Joojisay Duulimaadyadeedii Somaliland Iyo Xukuumada Muuse Biixi Oo Ka Hadashay

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More