Madaxwaynaha Dalka Masar Oo Safar Deg Deg Ah Ku Tegay Dalka Sudaan Iyo Sobobta

Madaxweyne C/Fataax Al-sisi waxa uu maanta booqan doonaa caasimadda dalka Sudan ee Khartoum, isagoo la kulmi doona Madaxa Golaha KMG ee haya Talada dalkaasi, Jeneral C/Fataax Al-burhaani.

Labada mas’uul waxay Kulankooda kaga hadli doonaan xaalladihii ugu dambeeyey ee Mandiqada, Xiriirka Milliteri ee labadooda dal, Muranka Biyo-xireenka Ethiopia ee GERD, Ammaanka Badda Cas, Xaalladda Xuduudka Sudan iyo Iskaashiga Wadajirka ee labadooda dal.

Afhayeenka Rasmiga ee Madaxtooyada Masaarida, Basaam Raali waxa uu sheegay in booqashada Madaxweynuhu ku tegayo Sudan noqonayso tii ugu horeeysay ee uu ku tago dalkaasi, tan iyo markii ay Madaxda Golaha Milliteriga la wareegeen Talada dalkaasi.

Booqashada Madaxweynaha Masar waxay ku soo beegantay, maalmo kadib, markii ay Taliyayaasha Milliteriga ee labada Waddan kala saxiixdeen Heshiis Iskaashi Milliteri.

Heshiiskaasi oo maalintii Talaadada ee la soo dhaafay lagu saxiixday magaalladda Khartoum waxaa qoddobadiisa ugu waa weyn ka mid ah Iskaashi ,Dhoolatus Milliteri oo Wadajir ah, Ilaalinta Xuduudaha iyo La-dagaalanka waxa ay ugu yeereen Araggixisada.

Iskaashiga Milliteri ee labada Waddan waxa uu Ethiopia cadaadis ku saari doonaa inay joojiyaan Buuxinta Biyo-xireenka GERD, iyadoo ay Masar iyo Sudan u arkaan mid khatar ku ah Nolosha Muwaadiniintooda.

Dadka Masaarida oo tiradooda guud dhan tahay 100,000 oo qof waxay 90% biyaha Webiga Nile ee Ethiopia ka soo faruurma.

 

Xafiiska Wararka BoramaNews
BoramaNews.com

Related posts

Raysal Wasaare Rooble Oo Isku Shaandheyn Ku Sameeyey Wasiiro Ka Tirsan Xukuumadda

Bnnstaff Bnnstaff

Doorashada Baarlamaanka Dalka Japan Oo Barri Loo Dareerayo Iyo Cabsi Soo Wajahday Xisbiga Tallada Haya

Bnnstaff Bnnstaff

Isku Dhac Ciidan Oo Ruushka Iyo Mareykanka Ku Dhex-Maray Syria Iyo Xiisada Oo Ka Sii Dareysa

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More