Ex Madaxwayne Shariif Shiikh Axmed Oo Baaq U Diray Dowladda Iyo Ganacsatada Soomaaliyeed

Madaxweynihii hore ee Soomaaliya Shariif Sheikh Axmed ayaa ka hadlay abaaraha ba’an ee ku dhuftay Gobolka Gedo, waxaa uu ugu baaqay Ganacsatada Soomaaliyeed inay qayb ka noqdaan gurmadka, kaalin muuqatana ay ku yeeshaan keenista dalka ee talaalka Covid-19 maadaama awoodda dowladdu ay kooban tahay.

Hoos ka akhriso Qoraalka uu soo saaray Shariif Sheikh Axmed
Ugu horreyn Waxaan ugu baaqayaa Guud ahaan shacbiga Soomaaliyeed qaybihiisa kala duwan, Xukuumadda Xil-gaarsiinta, saaxiibada Soomaaliya ee caalamka, iyo Hay’adaha Samafalka inay kaalmo degdeg ah la gaaraan masiibada bini’aadannimo ee kajirta gobolka Gedo ee Jubaland iyo guud ahaan gobolada kale ee dalka ee laga soo sheegayo masiibooyinka.

Dhibaatooyin is biirsaday oo ay kamid yihiin Biya la’aan, Abaaro, iyo Caabuqa Covid-19 ayaa dhibaato xoogan ku haya bulshadeenna, sidaa darteed waxaan ugu baaqayaa Ganacsatada Soomaaliyeed inay qayb ka noqdaan gurmadka, kaalin muuqatana ay ku yeeshaan keenista dalka ee talaalka Covid-19 maadaama awoodda dowladdu ay kooban tahay.

Ugu dambeyn waxaan ugu baaqeynaa Wasaaradaha ay khuseyso ee Xukuumadda inay ganacsatada u fududeeyaan sidii ay dalka u keeni lahaayeen, wax kasta oo looga hortegi karo cudurka Covid-19, sida tallaaka iyo adeegyada kale ee daawo ee loo kaashan karo la tacaalidda xanuunka Coronaha.

Xafiiska Wararka BoramaNews
BoramaNews.com

Related posts

Ciidamo Gadoodsan Oo Xirtay Waddo Ku Taalla Duleedka Cadaado Iyo Sababta Keentay

Bnnstaff Bnnstaff

Xisbiga Wadani Oo Muuse Biixi Uga Digay In Uu Soo Kala Dhawaysto Siyaasiyiinta Reer Somaliland Ee Muqdisho Ku Sugan

Bnnstaff Bnnstaff

Midawga Yurub Oo Si Adag U Cambaareeyay Qisaastii Ay Somaliland Ku Filisay 6da Qof

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More