Qarax Khasaaro Geystay Oo Ka Dhacay Muqdisho Iyo Faah Faahin Kasoo Baxaya Qaraxaasi

Warar dheeraad ah ayaa kasoo baxaya Qarax xoogan oo ka dhacay Magaalada Muqdisho gaar ahaan xaafadda Beexaani dhinaca degmada Kaaraan, kaasi oo jugtiisa laga maqlay xaafaddo ka tirsan Gobolka Banaadir.

Qaraxaas oo ahaa miino nooca dhulka lagu aaso ah ayaa waxaa lala eegtay Taliyaha cusub ee Ciidanka ilaalada deegaanka Xamae ee Maamulka Gobolka, xili uu marayay xaafadda Beexaani ee Kaaraan.
Goobjoogayaal la hadlay Idaacadda Dalsan ayaa u sheegay in qaraxaas uu ka badbaaday Taliye Maxamed Caraboow Cali oo ah Taliyaha ilaalada deegaanka, hayeeshee uu jiro khasaaro dhaawac ah.

Saddex Askari oo la socday Taliye Caraboow ayaa la sheegay inay ku dhaawacmeen qaraxaas ka dhacay degmada Kaaraan, waxaana la geeyay Xarun Caafimaad, kuwaasi oo saarnaa gaariga qaraxa lala eegtay.

Ciidamo ka tirsan kuwa Booliska dowladda Federaalka Soomaaliya ayaa tegay aaga uu qaraxu ka dhacay, isla markaana xiray wadada, in kastoo markii dambe ay dib u fureen, mana jiro wax war ah oo kasoo baxaya laamaha amniga dowladda.

Xafiiska Wararka BoramaNews
BoramaNews.com

Related posts

” Ninka Doonaya InAy Somaliya Ku Noqoto 91kii Dilkiisu Waa Uu Banaanyahay” Shacabka G/Gado Oo Fariin Adag Diray

Bnnstaff Bnnstaff

Qaramada Midoobay Oo War Ka Soo Saartay Doorashooyinka Somaliland Ee Loo Mudeeyay Bisha Shanaad

Bnnstaff Bnnstaff

Baadari Inkiray Jiritaanka Coronavirus Oo Xabsiga La Dhigay

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More