Gaadhi Ay Leeyihiin Ciidamada Amisom Oo Dad Shacab Ah Ku Jiidhay Gudaha Magaalada Muqdisho

Warar dheeraad ah ayaa kasoo baxaya Gaari nooca dagaalka oo ay leeyihiin Ciidamada AMISOM oo saakay Mooto Bajaaj ay saarnaayeen dad shacab ah ku jiiray Isgoyska Howlwadaag ee Magaalada Muqdisho.

Qof goobjooge ah oo la hadlay Idaacadda Dalsan ayaa u sheegay in gaariga Ciidamada AMISOM ay wateen uu jiiray Mooto Bajaaj ay saarnaayeen laba qof iyo Darawalka waday, xili ay marayeen Isgoyska Howlwadaag, waxaana ka dhashay khasaaro.
Labadii qof ee la socday Mootada ayaa goobta ku geeriyooday, waxaana dhaawac Culus uu soo gaaray darawalka watay Mootada oo si deg deg ah gaari Ambalas ah loogu qaaday, iyadoona la geeyay Xarun Caafimaad.

Ciidamo ka tirsan kuwa Booliska dowladda Federaalka oo ku sugnaa Isgoyska Howlwadaag Magaalada Muqdisho ayaa isku dayay inay qabtaan Ciidanka AMISOM ee la socday gaariga, balse ay halkaas isaga tageen.

Ciidamada Midowga Afrika ee AMISOM ayaa dhowr jeer horey dad shacab ah Magaalada Muqdisho ku jiir siiyay gaadiid ay wateen, sidoo kalena rasaas bareer ah ku furay dad shacab ah oo waxba galabsan kuna sugnaa Muqdisho iyo deegaano kale.

Xafiiska Wararka BoramaNews
BoramaNews.com

Related posts

Alshabaab Oo Gubtay Gaadhi Dameero Raashin U Waday Dad Shacab Ah

Bnnstaff Bnnstaff

Madaxweynaha Ukraine Oo Sheegay In Putin Uu Wado Qorshe Lagu Kala Qaybinayo Dalkiisa

Bnnstaff Bnnstaff

Xildhibaan Cabdinaasir Qodax Oo Golaweynaha Ugu Baaqay In La Dadajiyo Xeerka Ciqaabta Ee Maxkamaduhu

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More