Taliska Ciidanka Xoogga Oo War Ka Soo Saaray Dagaal Culus Oo Ka Dhacay Galgaduud

Taliska Ciidanka Xoogga dalka ayaa ka hadlay dagaal culus oo u dhexeeyay Ciidanka Xoogga qeybta 21-aad iyo Al-shabaab oo saakay ka dhacay deegaano dhinaca Koonfur uga beegan Magaalada Dhuusamareeb ee Xarunta Galmudug.

Taliyaha Ciidanka dhulka General Maxamed Tahliil Biixi oo la hadlay warbaahinta dowladda ayaa u sheegay in Ciidanka Xoogga ay weerar ku qaadeen deegaanka labi-dulle oo fariisimo ay ku lahaayeen Al-shabaab, uuna halkaas ka dhacay dagaal Culus.

Waxaa uu sheegay Taliye Tahliil Biixi in weerarka oo ay qaadeen Ciidamada qeybta 21-aad iyo kuwa Gorgor ay kula wareegeen gacanta ku heynta deegaanka labi-dulle oo shabaabka ay weeraro kasoo qaadi jireen, waa sida uu hadalka u dhigay.
Sidoo kale waxaa uu tilmaamay Taliyaha Ciidamada Dhulka in khasaaro kala duwan oo isugu jira dhimasho iyo dhaawac uu ka dhashay dagaalkii ka dhacay Galgaduud, isla markaana haatan Ciidanka ay ku sugan yihiin deegaankii ay qabsadeen.

Isaga oo sii hadlaayay Gen. Maxamed Tahliil Biixi ayaa waxaa uu sheegay in howlgalka uu sii socon doono ilaa iyo inta ay Al-shabaab ka saarayan deegaanada ay kaga sugan yihiin Gobolada Mudug iyo Galgaduud ee Maamulka Galmudug.

Malmo kahor ayey aheyd markii Ciidanka Xoogga dalka qeybta 21-aad iyo kwua Galmudug ay la wareegeen deegaanka Sinadhaqo iyo tuulooyin kale oo hoostega Magaalada Dhuusamareeb, waxaana halkaas shalay booqday Madaxweynaha Galmudug Axmed Qoorqoor.

Xafiisk Wararka BoramaNews
BoramaNews.com

Related posts

Madaxwayne Farmaajo Hambalyo U Diray Madaxwaynaha La Doortay Ee Maraykanka

Bnnstaff Bnnstaff

Isku Dhac Ciidan Oo Ruushka Iyo Mareykanka Ku Dhex-Maray Syria Iyo Xiisada Oo Ka Sii Dareysa

Bnnstaff Bnnstaff

Alshabaab Oo War Ka Soo Saartay Qaraxii Ismiidaaminta Ahaa Ee Maanta Ka Dhacay Duleedka Muqdisho

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More