Dowladda Imaaraadka Carabta Oo Somalia U Soo Diraysa Diyaarado Sida Gargaar

Ururka Bisha Cas ee Imaaraadka Carabta ayaa sheegay inay bilaabayaan Duullimaadyo dhanka Hawada oo Somalia lagu soo gaarsiin doono Gargaar Aadminimo.

Xoghayaha Guud ee Ururka Bisha Cas ee dalkaasi, Dr. Maxamed Catiiq Al-Falaxi ayaa sheegay inay u soo dirayaan 4 Diyaarado wada Gargaar, si wax looga qabto guud ahaan Xaalladda Bani’aadanimo ee Somalia ka jirta.

Waxa uu xusay in Barnaamijka Gargaarka Aadminimada qeyb ka yahay dadaalka socda ee wax looga qabanayo dhibaatada Aadminimo ee Somalia iyo xoojinta awoodda kuwa ay waxyeelladu ka soo gaartay xaalladda Aadmino ee Somalia.

Dhinaca kale, Xoghayaha Guud ee Ururka Bisha Cas ee dalka Imaaraadka, Dr. Maxamed Catiiq Al-Falaxi waxa uu tilmaamay inay Imaaraadka garab taagan yihiin Walaalaha Soomaalida ee ku daruufaysan guud ahaan Somalia.

War qoraal oo ka soo baxay Xafiiska Hay’adda Laanqeyrta Cas ee Imaaraadka ku leedahay Somalia waxa lagu qeexay in Gargaarka ku soo fool leh Somalia la gaarsiin doono dadka Barakacayaasha ee ku nool Jubbaland, Puntland iyo Somaliland.

Si kastaba ha ahaatee, Diyaaradaha wada Shixnadaha Gargaarka ee ay Imaraadka u soo dirayaan Somalia ayaa la filayaa inay Somalia soo gaaraan Ka hor Bilashada Bisha Barakaysan ee Ramadaan oo ay inaga xigto dhowr maalmood.

 

Xafiiska Wararka BoramaNews
BoramaNews.com

Related posts

Dowlada Turkiga Oo Iska Fogeeyay Eedeyn Uga Timid Mucaaradka Soomaaliya

Bnnstaff Bnnstaff

War Murtiyeed Ka Soo Baxay Kulan Hor Dhac Shirka Doorashada Somaliya

Bnnstaff Bnnstaff

Garoomadii Diyaaradaha Iyo Saldhigyadii Milatarada Yuhuuda Oo La Duqeeyay Iyo Xaaladihii Ugu Dambeeyay

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More