Midowga Yurub Oo Lacag Badan Ugu Deeqay Dalal African Ah Oo Ay Somaliya Ku Jirto

Iyadoo ay sii kordhayso Baahida Gargaarka Samafalka ee Geeska Africa ayaa waxay Guddiga Midowga Europe ku dhawaaqeen Kaalmo cusub oo la siinayo dalalka Geeska Africa sanadkan 2021-ka.

Madaxa Ururka EU-da ugu qaabilsan Arrimaha Maaraynta Xasaradaha, Janez Lenarčič ayaa waxaa uu shaaciyey inay 149 million oo Euro ( €149 million) u qoondeeyeen Kaalamada Samafalka ee la siinayo dalalka Geeska Afrika.

Waxa kale oo uu tilmaamay inay Malaayiin qof ku dac-daraysan yihiin Geeska Afrika, kuwaasi oo uu sanadkii hore saameeyey Colaado iyo Barakaca, isla markaana ay soo wajahday saddex cabsi oo kala ah Waxyeellada Ayaxa, Isbedelka Cimilada iyo Xanuunka COVID 19.

Kaalmadda cusub ee loo fidinayo dalalka Geeska Afrika ayaa la sheegay in loo adeegsan doono Taageeradda Nolol-badbaadinta sida Cuntada, Nafaqaynta, Caafimaadka iyo Badbaadada iyo inay Kaalmadaasi si toos ah u gaaran dadka u baahan.

Dhinaca kale, Madaxa EU-da ugu qaabilsan Arrimaha Maaraynta Xasaradaha, Janez Lenarčič waxa uu xusay in Kaalmada cusub lagu taageeri doono Mashaariicda Samafalka (Humanitarian Projects) ee ka kala socda dalalka Somalia, Djibouti, Sudan, Kenya iyo Uganda.

Kharajka loo qoondeeyey dalalkaasi ayaana kala ah:

1- Somalia 42.5million oo EURO (€42.5 million),

2- Djibouti 500,000 oo EURO (€500,000),
3- Sudan 52 million oo EURO (€52 million),

4-Kenya 14 million oo EURO (€14 million),

5- Uganda 32 million oo EURO (€32 million).

Waxaa intaasi ku dheer 8 million oo EURO (€8 million) oo loo qoondeeyey dadaallada looga hortagayo Khatarta Ayaxa Lama-degaanka ku hayo Beeraha dalalka Geeska Africa.

Qoraalka ka soo baxay Midowga Europe waxaa kaloo horey loogu shaaciyey Kaalmo cusub oo Samafal oo la siiyey Ethiopia iyo South Sudan.

Ethiopia waxaa la siiyey 53.7 million oo EURO ( €53.7 million), halk dalka South Sudan la siiyey 43.5 million oo EURO (€43.5 million).

Kaalmadaasi ayaa la bixiyey Booqashadii uu Madaxa EU-da ugu qaabilsan Arrimaha Maaraynta Xasaradaha, Janez Lenarčič dhawaan ku tegay labadaasi dal.

Xafiiska Wararka BoramaNews
BoramaNews.com

Related posts

Dowladaha Iiraan Iyo Shiinaha Oo Maanta Kala Saxiixday Heshiis Rubuc Qarni Soconaya

Bnnstaff Bnnstaff

Booliska Somalia Oo Magaalada Muqdisho Ku Qabtay Koox Burcad Ah

Bnnstaff Bnnstaff

Maayer Kuxigeenka Hargeysa Iyo Culimada Waaweyn Ee Dalka Oo Baaq Deg_dega Kasoo Saaray Suuqii Gubtay

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More