Madaxweynaha Dalka Tanzania, Marwo Samia Suluhu Oo Safar Ku Tegaysa Dalka Kenya

Madaxweynaha dalka Tanzania, Marwo Samia Suluhu Hassan ayaa la filayaa inay berrito booqasho 2 maalmood ah ku tagto Caasimadda dalka Kenya ee Nairobi.

Afhayeenada Aqalka Dowladda Kenya, Kanze Dena-Mararo ayaa sheegtay inuu Madaxweyne Uhuru Kenyatta casuumaadu fidiyey dhigiisa dalka Tanzania, waana socdaalkeedii u horeeyey ee iyadoo Madaxweyne ah ku booqato dalkaasi.

Kulanka labada Madaxweyne waxa uu ka dhici doono Dhismaha Aqalka Dowladda Kenya ee magaalladda Nairobi.

Madaxweynaha Tanzania waxay sheegtay inuu Maamulkeeda go’aansaday in la xaliyo qaar ka mid ah arrimaha u dhexeeya labada dal.
Bishii la soo dhaafay, Dowladda Kenya waxay ku hungowday qorshooyin si wadajir ah oo lagu dhisi lahaa Dhuumo shidaalka geeya dalka Uganda, kadib, markii ay Dowladda Tanzania sababo la xiriira COVID 19 u xireen xuduudka dalkooda.

Dhinaca kale, Marwo Samia Suluhu Hassan waxay bishii hore qaabishay Wasiirada Sport-ga ee dalka Kenya, Amina Mohamed, iyagoo ka wada hadlay sidii loo xoojin lahaa Xiriirka labada Waddan iyo sidii ay Guddiga Joogtada ee Isku-dhafka ee labada dal (the Joint Permanent Commission (JPC) uga wada hadli lahaayeen qorshaha lagu xoojinayo xiriirka labada dal.

Guddiga Joogtada ee Isku-dhafka ee labada dal waxa Kulnkoodii u dambeeyey yeesheen sanadkii 2016-kii.

Si kastaba ha ahaatee, Madaxweynaha dalka Tanzania oo xilkaasi loo caleemo saaray bishii February waxay noqotay Madaxweynihii u horeeyey ee dumar ah ee Madax ka noqoto dalkaasi.

 

Xafiiska Wararka BoramaNews
BoramaNews.com

Related posts

Qarax Ka Dhacay Dhacay Magaalada Muqdisho Iyo Faahfaahino Ka Soo Baxaya Qaraxaasi

Bnnstaff Bnnstaff

Saraakiisha Ugu Saraysa Xisbiga TPLF Ee Dalka Itoobiya Oo Xasaanadii La Qaaday

Bnnstaff Bnnstaff

Dagaal Culus Oo Dhex Maray Ciidamada Dalalka Sudan Iyo Itoobiya Iyo Madaxii TPLF Oo La Sheegay Halka Uu Joogo

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More