Madaxwayne Farmaajo Oo Kulan La Qaatay Madaxda Maamul Goboleedyada Somaliya

Xarunta Madaxtooyada Soomaaliya ayaa waxaa xalay shir ku yeeshay Madaxweyne Maxamed Cabdullaahi Farmaajo, Madaxweyneyaasha maamul Goboleedyada dalka iyo Guddoomiyaha Gobolka Banaadir.

Shirkaan ayaa waxaa looga hadlay dhismaha Guddiga doorashada heer Federaal iyo Heer dowlad Goboleed, dhismaha Guddiga Xalinta khilaafaadka jaangoynta waqtiga doorashada iyo waajibaadka Guddiyada la magacaabayo.
Madaxweyneyaasha maamul Goboleedyada qaarkood oo safar uga baxay Magaalada ayaa dib ugu soo laabtay Caasimadda, waxaana ugu dambeeyay Madaxweynaha Galmudug Axmed Cabdi Kaariye Qoorqoor oo xalay soo gaaray Muqdisho.

Xildhibaanada labada Golle ee Baarlamaanka Federaalka Soomaaliya ayaa maalmo kahor ansixiyay heshiiskii Madaxweyne Farmaajo, Madaxda maamulada iyo Guddoomiyaha Gobolka Banaadir ay ka gaareen Doorashada dalka ee 2020/2021.

Ansixinta heshiiskaas ayaa waxaa soo dhaweeyay dhammaan Madaxda maamulada dalka, waxaana Madaxda ay mar kale sii yeelan doonaan kulamo kale oo lagu sii amba qaadayo heshiiskii laga gaaray Doorashada.

Xafiiska Wararka BoramaNews
BoramaNews.com

Related posts

Alshabaab Oo Weerar Ku Qaaday Deegaanka Camaara EeKoonfurta Gobolka Mudug

Bnnstaff Bnnstaff

Wasiirka Amniga Somaliya Oo Laamaha Amaanka Ku Amray Ilaalinta Amniga Iyo U Tudhista Shacabka

Bnnstaff Bnnstaff

Xildhibaanada Golaha Deegaanka Degmada Saylac Oo Doortay Maayir Iyo Maayir Ku Xigeen

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More