Wasiir Reer Lubnaan Ah Oo Xilkii Ku Waayay Dhaleecayn Uu U Jeediyay Dalalka Khaliijka

Wasiirka arrimaha dibedda ee Lubnaan, Sharbal Wahba, ayaa iska casilay xilkiisa kadib cadaadis xooggan oo ka dhashay waraysi uu ku weerarray dalalka Khaliijka.

Sharbal Wahba oo ka tirsan xukuumadda xil-gaarsiinta Lubnaan ayaa waraysiga uu Isniintii siiyay telefishinka Al-Xurra waxa uu ku tilmaamay in dalalka Khaliijka ay gacan ka geysteen hanaqaadkii ururka Daacish.

Sacuudi Carabiya, Kuweyd, Baxrayn iyo Imaaraadka Carabta ayaa dhammaan u yeeray safiiradda Lubnaan u fadhiya caasimadahooda, waxaana ay u muujiyeen cabashadooda ku aaddan hadalka wasiirka.

“Dalalka aan jaceylka, saaxiibtinnimada iyo walaaltinnimada wadaagno ayaa keenay Daacish. Waxa ay noogu beereen banka Ninawa, Anbar iyo Palmyra,” ayuu yidhi wasiirku.
Wasaaradda arrimaha dibedda ee Sacuudiga ayaa sheegtay in hadalka wasiirku uu meel ka dhac ku yahay nidaamka diblomaasiyadda, uuna weerar cad ku yahay Boqortooyada.

Madaxtooyadda Lubnaan ayaa shaaciyay in wasiirku uu is-casilaaddiisa u gudbiyay madaxweyne Misheel Cawn, uuna ka aqbalay.
Hadalka wasiirka ayaa khalkhal geliyay dedaallada ay Lubnaan ku dooneyso in ay ku wanaajiso xiriirka kala dhexeeya waddamada Khaliijka oo mar ahaa kuwa dhaqaalaha ugu badan ku bixiya dalkaas la liicaya sicir bararka xooggan.

Waddamada Khaliijka ayaa ka caga-jiidaya in ay soo celiyaan taageeradii dhaqaale ee ay ku bixin jireen Lubnaan iyagoo ka walaacsan awoodda sii kordhaysa ee ururka Xisbullah uu ku leeyahay siyaasadda dalkaas.

Waddamada uu hormuudka u yahay Sacuudiga ayaa u arka Xisbullah urur u adeega danaha Iran oo ah dal uu xifaaltan xooggan kala dhexeeyo.

Xafiiska Wararka BoramaNews
BoramaNews.com

Related posts

Qof Looga Shikisan Yahay In Uu Ka Tirsanyahay Alshabaaab Oo Lagu Xidhay Dalka Turkiga

Bnnstaff Bnnstaff

Xukuumada Madaxwayne Biixi Oo Si Adag Uga Hadashay Kordhka Qiimaha Laydhka Fariina U Dirtay Shirkadaha Laydhka

Bnnstaff Bnnstaff

Madaxwayne Muuse Biixi Oo Qudbad Ka Jeediyay Xuskan Sanad Guurada 27 aad Ee Ciidanka Somaliland

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More