Madaxda dawlad Goboleedyada Soomaliya oo Kulamo kala Duwan Kawada Magaaladda Muqdisho

Madaxweynayaasha dowlad Goboleedyada ee Magaalada Muqdisho u jooga ka qeyb galka shirka Arrimaha doorashooyinka ee ka socda Xerada Afisiyooni ayaa kulamo kala duwan waxaa ay ka wadaan magaalada Muqdisho.

Madaxweynaha Cali Guudlaawe Xuseen ayaa maanta Magaalada Muqdisho ku qaabilay Wasiirka Haweenka iyo Xuquuqul Insaanka DFS, Haweenka Xildhibaanada labada aqal ee Baarlamaanka Federaalka Soomaaliya, Guddoomiyaha Ururka Haweenka Qaranka, iyo haweenka bulshada rayidka ah.

Kulanka ayaa looga hadlay ilaalinta qoondada Haweenka Soomaaliyeed ee Doorashooyinka iyo sidii loo tixgalin lahaa cabashadooda.

Dhinaca kale Madaxweynaha Jubaland Axmed Maxamed Islaam, ayaa kulan la qaatay hormuudka haweenka Soomaaliyeed ee ku jira golayaasha kala duwan ee Dowlada iyo ururada u dhaqdhaqaaqa ka qeybgalka haweenka ee arimaha Siyaasada.

Madaxweynaha ayaa u balan qaaday haweenka Soomaaliyeed inuu u halgami doono sidii ay xaqa ay leeyahiin uga heli lahayeen heerarka kala duwan isla markana uu ka shaqaynayo sidii doorashooyinka dhawaan dhacaya ay uga heli lahayeen qoondo ku filan.

Maalinta Berito oo Khamiis ah ayaa waxaa la filayaa in Magaalada Muqdisho lagu soo geba-gabeeyo shirka wadatashiga Arrimaha doorashooyinka ee ka socda Magaalada Muqdisho.

Related posts

Magaalada Borama Oo Maalintii 2aad Lagu Qabtay Baanaanbax Lagu Taageerayo Doodii Qadiyada Somaliland Ee Barlamaanka Uk

Bnnstaff Bnnstaff

Madaxwaye Muuse Biixi Soo Saaray Wareegto Cusub Oo Ku Saabsan Xafiiska Imtaxaanaadka Somaliland

Bnnstaff Bnnstaff

Rooble Oo Xasan Sheekh Kala Hadlay Amniga Iyo Arimaha Doorashooyinka Dalka

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More