Dowlada Kenya Oo Ku Hanjabtay Inay Joojinayso Duulimaadyada Bani’aadannimo Ee Soomaaliya

Dowladda Kenya ayaa uga digtay hay’adaha QM, Ururada Caalamiga ah iyo Howlgallada Diblomaasiyadeed inay joojin doonto dhammaan duulimaadyada Soomaaliya.

Kenya ayaa duulimaadyada Soomaaliya hakisay muddo saddex bilood ah 11-kii May, hase yeeshee waxay ka reebtay duulimaadyada caafimaad iyo kuwa gargaarka bani’aadannimada.
Si kastaba, Wasaaradda Arrimaha Dibedda Kenya oo qoraal cusub soo saartay ayaa ku eedeeysay hay’adaha QM, Ururada Caalamiga ah iyo Howlgallada Diblomaasiyadeed inay si qaldan u adeegsadeen fasaxii la siiyey, oo ay arrimo siyaasadeed u adeegsadeen duulimaadyada, kuna xadgubeen ogeysiiska lagu joojiyey duulimaadyada.

Wasaaradda ayaa uga digtay hay’adahan in duulimaadyada bani’aadannimo ay tahay in loo adeegsado arrimo bani’aadannimo oo kaliya, haddii kale ay gebi ahaan joojin doonto duulimaadyada Soomaaliya

Sarkaal Soomaali ah oo magaciisa qariyey waxa uu arrintan ku tilmaamay tallaabo ay Kenya ku cadaadinayso diblomaasiyiinta, inkasta oo uusan bixin faah-faahin.

Xafiiska Wararka BoramaNews
BoramaNews.com

Related posts

Wasiirada Maaliyadda Soomaaliya iyo jabuuti Oo Kala Saxiixday Heshiis Lagu Dhisayo Waddo Isku Xidhaysa Dalalka Somaliya Itoobiya Iyo Jabuuti.

Bnnstaff Bnnstaff

Murashax Aaan Ku Soo Bixin Golihii Deegaanka Borama Oo Sheegay In Codkiisii La Musuq Maasuqay

Bnnstaff Bnnstaff

Dowlada UK Oo Mamnuucday Safarada Dalal Ay Ka Mid Tahay Soomaaliya

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More