Qarax Ka Dhacay Magaalada Kismaayo Iyo Faahfaahino Ka Soo Baxaya Qaraxaasi

Qaraxa oo ahaa Bambaanada nooca Gacanta laga tuuro ayaa waxaa uu xalay ka dhacay Isgoyska Somali Star ee magaalada Kismaayo waxaana ka dhashay khasaaro kala duwan.

Goobjoogayaal ayaa waxaa ay sheegeen in qaraxa Bambaano lagu weeraray Ciidamo ka tirsan booliska Jubbaland oo ku sugan Isgoyska Somali Star, waxana qaraxa ku dhaawacmay 7 Ruux oo u badan Ganacsato.

Sidoo kale Goobjoogayaasha waxaa ay sheegeen in qaraxa uu dhaawac culus kasoo gaaray Haweeneey Caano ku iibineysay halka uu ka dhacay qaraxa, taas oo dhaawaceeda la geeyay Isbitaalka weyn ee magaalada Kismaayo.

Taliyaha Ciidamada Booliska Jubbaland Maxamed Cabdi Sheekh ( Xujaale) ayaa sheegay in qaraxaas ay ka dambeeyeen Ururka Al-Shabaab, isla markaana ay la beegsadeen Ciidamada Booliska, waxana uu xaqiijiyay inay dad Shacab ah ku waxyeeloobeen.

Sidoo kale Taliyaha waxaa uu sheegay in Ciidamada Booliska ay sameeyeen howlgallo ay ku baadi goobayeen dadkii ka dambeeyay weerarkii bambaano, isla markaana howlgalka ay ku qabteen dad farabadan oo tuhmanayaan ah ayna dhawaan soo bandhigi doonaan.

Weerarka Bambaano ee ka dhacay Magaalada Kismaayo ayaa waxaa uu kusoo aadayaa xilli habeenadii la soo dhaafay ay howlgallo xiriir ah ka socdeen xaafadaha kala duwan ee Magaalada Kismaayo.

 

Xafiiska Wararka BoramaNews
BoramaNews.com

Related posts

Puntland Oo Shaacisay Inay Gacanta ku Dhigtay Rag Qaraxyo Diyaarinayay Iyo Faahfaahino Ka Soo Baxaya

Bnnstaff Bnnstaff

Tirada Dadka Ku Dhintay Dhul-Gariirkii Izmir Ee Dalka Turkiga Oo Sii Korodhay

Bnnstaff Bnnstaff

Dr. Abdirahman Obsiye, oo Si Qoto Dheer u Sharaxaya Musuqmaasuqa Iyo Dhibaatada Uu Ku Hayo Bulshada.

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More