Maraykanka Oo Qirtay In Gudaha Somaliya Ay Ciidamadiisu Dad Shacab Ah Ku Laayeen

Qoraal ka soo baxay Waaxda Difaaca Maraykanka ee The Pentagon ayaa lagu sheegay inay Ciiddanka Maraykanka mas’uul ka ahaayeen dilka 23 qof oo rayid ah oo sanadkii hore lagu dilay Hawlgallo ka kala dhacay dalalka Somalia, Iraq, Yemen iyo Nigeria.
Warbixinta waxaa kaloo lagu sheegay in 10 qof oo rayid ah ku dhaawacmeen Hawlgalkii ay Ciiddanka Maraykanka ka fuliyeen dalalkaasi.

Warbixinta waxaa si khaas ah loogu sheegay in Hawlgalladii ay Milliteriga Maraykanka ka fuliyeen Somalia bishii Feberaayo ee sanadkii hore lagu dilay hal qof oo rayid oo keliya.
Balse, Goobjoogayaal iyo Hay’adda aan Dowliga ahayn ee The AIRWARS ee diiwaan gelisa Liiska Dhibanayaasha wax ku noqda Hawlgalladda Milliteriga Maraykanka waxay tirada dadka rayidka ee sanadkii hore lagu dilay Somalia ku sheegeen 7 qof.

Hay’adda The Airwars, waxay sheegtay in Tirada guud ee dadka rayidka ee ay Milliteriga Maraykanka sanadkii hore ku dileen dalalka Caalamka ay gaarayaan 102 qof oo Rayid ah.

Dhinaca kale, Dukumentiga ka soo baxday Waaxda Difaaca Maraykanka ee The Pentagon waxaa lagu sheegay inkastoo ay Kongareeska u gudbiyeen codsi lagu ansixinayo 3 million oo Dollar oo Magdhow ahaan loo siin lahaa Qoysaska Dhibnayaasha Rayidka sanadkii hore inaan weli la bixinin.

Xafiiska Wararka BoramaNews
BoramaNews.com

Related posts

Prof Samatar Oo Ka Hadlay Khilaafka Farmaajo Iyo Rooble, Arimaha Doorashooyinka Iyo Beesha Caalamka

Bnnstaff Bnnstaff

Madaxwayne Farmaajo Oo Lagu Dhaliilay Talaabo Uu Qaaday Iyo Waxay Tahay Talaabadaasi

Bnnstaff Bnnstaff

Nin Dilka Xaaskiisa U Adeegsaday Mid Ka Mid Ah Masaska Ugu Sunta Badan Dunida

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More