Mustafe Cagjar “Dagaalka Ka Socda Waqooyiga Wuxuu U Dhaxeeyaa Argagixisada TPLF Iyo Dawladda Itoobiya”

Madaxweynaha Dowlad Deegaanka Soomaalida Mustafa Muxumed Cagjar ayaa qoraal uu soo dhigay bartiisa Faceebook ku sheegay in dagaalka ka socda Itoobiya uu u dhaxeeyo argagixisada TPLF iyo dawlada federalka Itoobiya.

“Dagaalka ka socda Waqooyiga Itoobiya wuxuu u dhaxeeyaa argagixisada TPLF iyo dawlada federalka Itoobiya, ee uma dhaxeeyo laba deegaan oo dhul isku haysta. Waxaa argagixisada TPLF u qorshaysan inay dumiso nidaamka hadda jira dibna saameeyn ugu yeelato siyaasada dawlada dhexe si ay mar kale u guumaysato shucuubaha dalka ee Soomaalidu ka mid tahay,” ayuu ku yiri qoraalka uu soo dhigay bartiisa Facebook.
Madaxweynaha ayaa sidoo kale sheegay in baraha bulshada ay taageerayaasha TPLF la dhex wareegayeen talooyin liita kuwaas oo uu ku tilmaamay inay kabaha u qaadayaan dadkii horay u xasuuqday shacabka deegaanka Soomaalida.

“Waxaa ayaamahan baraha bulshada talooyin liita la dhex wareegaya taageerayaasha TPLF oo u badan kuwii shalay kaba-qaadka u ahaa kooxdaas markii ay xasuuqayeen shacabka deegaanka Soomaalida. Waxa ay rajaynayeen in argagixisadu dumin doonto dowladda dhexe halkaasna ay uga soo bixi doonto fursad kaba-qaadnimo oo ay dadkooda mar kale ku dulleeyaan.” Ayuu madaxweynaha raaciyay.

Xafiiska Wararka BoramaNews
BoramaNews.com

Related posts

Maydadka Labo Qof Oo Somali Ah Oo Laga Helay Xeebta Magaalada Mombassa Ee Kenya

Bnnstaff Bnnstaff

Haayada Amoud Foundation Oo Deegaanka Faadhi-Gaab Ee Gobolka Sanaag Ka Hirgelisay Xarunta Hooyada Iyo Dhalaanka.

Bnnstaff Bnnstaff

Puntland Oo Ka Warbixisay Dagaal Culus La Gashay Alshabaab Iyo Maxaabiis Ay Soo Qabatay

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More