Muhaajiriin Ku Geeriyootay Dooni Ku Degtay Xeebaha Liibiya Iyo Tirada Dadka Geeriyooday

57 Muhaajiriin ayaa laga cabsi qabaa inay ku geeriyoodeen Dooni shalay ku degtay meel ka baxsan Xeebaha dalkaasi.

Afhayeenada Hay’adda Muhaajiriinta Caalamiga ee IOM, Safa Mesheli waxay tilmaamtay in Doonidasi oo ay la socdeen ugu yaraan 75 Muhaajiriin Afrikaan ah ay maalintii Axadda ee la soo dhafay ka soo shiraacatay Xeebaha Degmadda Khumus ee Galbeedka Libiya, iyagoo ku wajahnaa Xeebaha Qaaradda Europe.
Waxay intaasi ku dartay in 57 qof ee ku hafteen Badda, kuwaasi oo ay ka mid ahaayeen 20-haween iyo 2 carruur, iyadoo la soo badbaadiyey 18 qof oo ka soo kala jeeda dalalka Nigeria, Ghana iyo Gambia.

Shilka Doonida shalay ku qalibantay Xeebaha Libiya waa shilkii labaad ee wax ka yar hal isbuuc ka dhaca meel ka baxsan Xeebaha Libiya, iyaadoo ay ugu yaraan 20 Muhaajiriin ah ku dhinteen Dooni degtay Arbacadii la soo dhaafay.

Dhimashadii ugu badnayd ee ay dad Muhaajiriinah ku geeriyoodaan sanadkan waxa uu dhacay bishii April 22-dii, kadib, markii ay 130 qof ku hafteen meel ka baxsan Badda Libiya.

Xafiiska Wararka BoramaNews
BoramaNews.com

Related posts

Wakiilka Somaliland Ee Taiwan Oo Ka Warbixiyay Qaabka Loo Qaybiyay Deeqda Waxbarsho Ee Taiwan

Bnnstaff Bnnstaff

Dowlada Jarmalka Oo Dagaal Xoogan Ku Bilawday Kooxaha Cunsuriyiinta Ah Ee Midigta Fog

Bnnstaff Bnnstaff

Midowga Musharaxiinta Oo Ku Dhawaaqay Labo Talaabo Oo Ay Qaadayaan Iyo Nuucyada Ay Yihiin Talaabooyinkaasi

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More