Yaab! Gabadh Ay Qoyskeedu Qudha Ka Jareen, Ka Dib Markii Ay Xiddhatay Surwaal Jiinis Ah

Toddobaadkii la soo dhaafay, 17-jir lagu magacaabo Neha Paswan ayaa la sheegay inay garaaceen xubno ka tirsan qoyskeeda ee ku nool gobolka woqooyiga ee Uttar Pradesh taas oo u dhimatay jirdilkaasi. Waxaa la sheegay inaysan qoykeeda ku faraxsanayn inay xirato sarwaal jiinis ah.

Hooyadeed, Shakuntala Devi Paswan, ayaa u sheegtay BBC Hindi in gabadha yar ay si xun ul ugu garaaceen awowgeed iyo adeerradeed ka dib markii ay ku murmeen dharkeeda iyagoo ku sugan gurigooda oo ku yaal tuulada Savreji Kharg ee degmada Deoria, oo ka mid ah deegaannada ugu horumarsan gobolka.

“Waxay soomanayd maalin dhan iyadoo gudaneyso waajibaadkeeda diimeed. Galabkii waxay xirtay sarwaal jiinis ah waxayna sii wadatay cibaadadeeda balse xaaladda waxay is badashay markii ayeeyadeed iyo awoowgeed ay ka soo horjeesteen jiiniska ay xiratay, Neha ayaa ku jawaabtay in jiiniska loo sameeyay in la xirto,” ayay tiri hooyadeed.

“Doodda ayaa cirka isku shareertay, taas oo ay ka dhalatay rabshada ay Neeha nafteeda ku weysay,” ayay ku andacoonaysaa hooyadeed.

Shakuntala Devi ayaa sheegtay in gabadheeda ay miyir daboolantay, sodohdeed ayaa u yeeray gaari waxayna sheegtay inay isbitaalka u qaadayaan.

“Iima aysan ogolaan inaan raaco sidaa darteed waxaan ku wargaliyay ehelkayga oo aaday isbitaalka degmada iyagoo raadinaya gabadha laakiin ma aysan helin.”

Subaxdii xigtay, Shakuntala Devi waxay tiri, waxay qoyskayga maqleen in meydka gabar uu ka laalaado buundada webiga Gandak ee gobolka dhex marta. Markii ay baadigoobka aadeen, waxay ogaadeen inuu meydkaasi yahay kii Neha.

Booliska ayaa gudbiyay dacwad dil ah iyo bur burinta cadeymaha 10 qof, oo ay kujiraan Neha ayeeyadeed, adeeradeeda, eedooyinkeeda, iyo darawalka gaariga. Eedeysanayaasha ayaan wali wax war ah ka soo saarin dacwadda loo haysto.

Sargaal sare oo katirsan booliska oo la yirahdo Shriyash Tripathi ayaa u sheegay BBC Hindi in afar qof oo ay kujiraan ayeeyadeed, adeerkeed iyo darawalka gaariga la xiray oo su’aalo la waydiinayo. Wuxuu sheegay in booliska ay raadinayaan eedeysanayaasha haray.

Neha aabiheed Amarnath Paswan, oo maalintii ka shaqeeya goobaha dhismaha ee Ludhiana, oo ah magaalo ku taal Punjab, kuna soo noqday gurigiisa si uu ula tacaalo musiibada ayaa sheegay inuu si adag uga shaqeeyay inuu caruurtiisa oo ay ku jirto Neha u diro iskuulka.

Shakuntala Devi ayaa sheegtay in gabadhoodu dooneysay inay noqoto sarkaal booliis ah, laakiin “riyadeeda aan waligeed hadda rumoobi doonin”.

Waxay ku andacootay in sodohdeed iyo soddogeed ay cadaadis Neha ku saarayeen inay ka tagto waxbarashadeeda waxayna inta badan ku canaanayeen inaysan xiran wax aan ka aheyn dharka dhaqanka ee Hindida.

Neha waxay jeclayd inay ku labisato dharka casriga ah – laba ka mid ah sawirrada qoyskeedu la wadaagay BBC-da ayaa muujinayay iyada oo ku labbisan sawrwaal jiinis ah iyo jaakad.

Warbixinnada ku saabsan gabdhaha iyo haweenka da’da yar ee xubnaha qoyskooda ay si arxan darro ah u weeraraayaan ayaa dhawaan qabsaday bogagga hore ee warbaahinta dalka Hindiya. Dhacdooyinka ayaa sidoo kale toosh ku shidaya sida gabdhaha iyo haweenka uu badqabkooda khatar ugu jira iyagoo weliba ku sugan guryahooda.

Related posts

Dowlada Iraan Oo Soo Bandhigtay Magaalo Dhan Oo Wada Gantaalo Ah Kuna Hanjabtay In Ay Khariirada Ka Masaxayso Isreal

Bnnstaff Bnnstaff

Dhegayso Waraysi Xiiso Badan Kuna Saabsan Arimaha Doorashooyinka Somaliya Oo Laga Qaaday Jemes Swan

Bnnstaff Bnnstaff

Wararkii Ugu Dambeeyay Ee Doorashada Dalka Jabuuti

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More