Raysal Wasaare Rooble Oo Kulan La Qaatay Qaar Ka Mid Ah Wakiilada Beesha Caalamka Iyo Arimaha Ay Ka Wada Hadleen

Ra’iisul Wasaaraha Xukuumadda Xukuunadda xilgaarsiinta Maxamed Xuseen Rooble ayaa kulan la qaatay qaar ka mid ah xubnaha Wakiillada Beesha Caalamka, kuwaa soo ay ka wada hadleen xaaladda dalka, gaar ahaan arrimaha taagan ee saameynta ku leh amniga, siyaasadda iyo geedi-socodka iyo dhammeystirka doorashooyinka.

Wakiillada Beesha Caalamka ayaa muujiyay sida ay u taageersan yihiin habsami u fulinta howlaha doorashooyinka ee uu Ra’iisul Wasaaruhu hormuudka u yahay.

Ra’iisul Wasaare Rooble ayaa u sheegay Wakiillada Beesha Caalamka in is faham laga gaaray arrimaha doorashada Gobollada Waqooyi ee Somaliland, lana soo afjaray khilaafkii u dhaxeeyay labada dhinac, ayna deg deg u bilaaban doonto doorashada Xildhibaanada labada gole ee matalaya Somaliland.

Sidoo kale waxa uu sheegay Ra’iisul Wasaaruhu in Madaxweynaha Hirshabelle Cali Guudlaawe uu soo saaray liiska murshaxiinta, isagoo u rajeeyay in doorashadu u qabsoonto sida ugu dhaqsaha badan.

Waxuu kaloo xusay Ra’iisul Wasaaruhu in Guddiga Doorashooyinka Heer Federaal ay soo saareen jadwalka doorashooyinka oo faahfaahsan.

Ra’iisul Wasaare Rooble ayaa mar kale ku celiyay in ay ka go’an tahay in kiiska Ikraan Tahliil Faarax caddaalada la marsiiyo, isagoo rajeeyay in isaga iyo Madaxweynuhu arrintaas ay isku aragti ka noqdaan.

Xafiiska Wararka BoramaNews
BoramaNews.com

Related posts

Falanqeyn: Maxaa Xilliga Kusoo Beegay Muddo Kororsiga Galmudug?

Bnnstaff Bnnstaff

Odayaasha Wiilka Uu Jidh Dilka Ugaystay Xildhibaan Kijaandhe Oo Beeniyay Hadalo Ka Soo Yeedhay Odayaasha Xildhibaanka

Bnnstaff Bnnstaff

Madaxweynaha Maamulka Puntland Oo Ku Wajahan Magaalada Muqdisho

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More